داعشێ دەست ب سوتنا بەلگەنامەیێن خوە کر
ئەڤرۆ نیوز: نەوزاد ھلۆری:
داعش ل سنوورێ عیراقێ بەر ب نەمانێ ڤە دچیت و تنێ ٥% ژ پارێزگەھا موسل مایە کو ژلایێ ھێزێن عیراقی ب تەمامی بھێتە کونترولکرن و ئەو چەکدارێن کو نھا شەری دکەن تنێ ھندەک عیراقی و بیانی نە ، ئەڤ یەک ژی بوویە سەدەم کو داعش دەست ب سووتنا بەلگەنامەیێن خوە بکەت.
سەعید مەموزینی بەرپرسێ راگەھاندنا لقێ ١٤ێ پارتی دیموکراتی کوردستان بۆ ئەڤرو نیوز گۆت: (داعش ل سنوورێ عیراقێ رۆژ بو رۆژێ لاواز دبیت و ژ ناڤ دچیت و ئەو ئاخا کو داگیرکری ب رەنگەکێ ب لەز یا ژ دەست ددەت ، ژبەرڤێ ئەوان دەست ب سووتنا بەلگەنامەیێن خوە کریە ب تایبەتی نامەیێن ئەبوبەکر بەغدادی)
زێدەتر گۆت: (دپرانیا ئەوان بەلگەیان دا ئەبوبەکر بەغدادی سووزێن بحەشتێ بو چەکدارێ، خوە داینە ژبەرڤێ دخوازن بھێنە سووتن چونکی دێ بوو ھەمووان دیاربیت کو ئەوان ب درەوڤە خەلک ب چونا بحەشتێ سەردا دبرن)
