داعشێ هێرش كرە سەر كەركووكێ
ئەڤرۆ نیوز ، زنار تۆڤی :
ئەڤرۆ چارشەمبی چەكدارێن داعش هێرش كریە سەر هێزێن عێراقێ ل گەرەکێن شۆریجە ل كەركووكێ و زیانێن گیانی گەهاندینە هێزێن عێراقی،ڤێ چەندێ ترس ل دەف خەلکێ وی باژێری پەیداکریە.
نەقیب سوفیان ژ فرقەیا زێر یا عێراقێ راگەهاندیە،کو دەمژمێر نەهی ئەڤ شەڤە گرووپەکێ چەكدارێن داعش كو هژمارا وان دگەهشتە ٥۰ بۆ ٨۰ كەسان. گەهشتینە ناڤ باژێرێ كەركووكێ و ل گەرەکێن ل كەركووکێ بەلاڤە بووینە.
هەروەسا گوتیە، ئێكەم هێرشا وان بۆ سەر هێزێن پۆلیسێن فیدرالی بوویە،ل گەرەکێن پەنجا عەلی ل باژێرێ كەركووكێ ل نێزیك چەمی خاسە دەست پێ كریە و پەلامارا خالەکا پۆلیسێن فیدرالی دایە و چار پۆلیس كوشتینە.
دیسا دوهی ب شەڤ ب هەمان شێوەی شەر ل گەرەکێن عرووبە و پەنجا عەلی روو دایە و ئەڤرۆ ژی خەلکێ كەركووكێ بێزاری پێڤە دیاربوویە،ب ئەگەرێ هەبوونا دەنگۆیێ بزاڤێن داعش بۆ هێرشەکا مەزن بۆ بۆسەر وی باژێری.
