داعشێ پلانا هێرشكرنێ ل سه‌ر كه‌ربه‌لا دجه‌ژنێ دا دارشتيه
ئه‌ڤرۆنيوز:
فه‌رمانده‌يا ئوپه‌راسيۆنێن حه‌شدا شه‌عبى ل ده‌ڤه‌را فوراتا ناڤين، ئه‌ڤرۆ ئێكشه‌مبى 10/6/2018 ئاشكراكر كو پێزانينێن هه‌والگيرى يێن هه‌ين ل دۆر پلانه‌كا داعشێ بۆ هێرشكرنێ ل سه‌ر كه‌ربه‌لا وتێكدانا ره‌وشا ئه‌منى ل وى باژێرى.
دبه‌ياننامه‌كا حشدا شه‌عبى دا هاتيه، كو عه‌لى ئه‌لحه‌مه‌دانى، فه‌رماندێ ليوا دو يا حه‌شدا شه‌عبى، راگه‌هانديه” ليوا دو يا حه‌شدێ ب هه‌ڤكارى ل گه‌ل ليوا 33 ژ ئوپه‌راسيۆنێن فوراتا ناڤين يا سه‌ر ب فه‌رمانده‌يا هێزێن ئه‌ردى يا له‌شكرێ عيراقى هێزێن خوه ل رۆژئاڤايێ ئه‌نبار وكارگه‌ها چيمه‌نتۆيا كه‌ربه‌لا زێده‌كرينه.
وى فه‌رمانده‌يێ حه‌شدا شه‌عبى دياركريه كو ئارمانج ژ ڤێ چه‌ندێ پاراستنا كه‌ربه‌لايه ژ كارێن تيرۆرستى وئاماژه ب هه‌بوونا پێزانينێن هه‌والگيرى دا ل دۆر پلانه‌كا داعشێ بۆ هێرشكرنێ ل سه‌ر هێزێن عيراقى وتێكدانا ئێمناهيا باژێرێ كه‌ربه‌لا ل رۆژانێن جه‌ژنا ره‌مه‌زانێ.