داعشێ ژ دو ره‌خان ڤه هێرشى باشوورێ مووسلێ كر
ئه‌ڤرۆنيوز:
ژێده‌ره‌كێ ئه‌منى ل باژێرێ مووسلێ راگه‌هاند، سپێده‌يا ئه‌ڤرۆ شه‌مبيێ 26/5/2018 چه‌كدارێن داعشێ ژ دو ره‌خان ڤه هێرش كره سه‌ر هێزێن ئه‌منى يێن عيراقى.
وى ژێده‌رى ئه‌منى ژ فه‌رمانده‌يا ئۆپه‌راسيۆنێن نه‌ينه‌وا يا له‌شكرێ عيراقێ بۆ مالپه‌رێ (ئه‌لغه‌د پرێس) گۆت” سپێده‌يا زوو يا ئه‌ڤرۆ پاشمايێن داعشێ هێرش كره سه‌ر هيزێن عيراقى ل گوندێ ئه‌لبوسه‌لين ل باشوورێ مووسلێ، هه‌ڤده‌م ل سه‌ر رێيا به‌غدا – مووسل ده‌ست ب هێرشه‌كا دى كر كو ئه‌وژى دكه‌ڤيته باشوورێ مووسل.
دياركر ژى كو هێزێن عيراقى ب توندى به‌رسڤا تيرۆرستێن داعشێ دا وهه‌ردو هێرشێان وان بشكێنن، به‌لێ ناهێته زانين چه‌ند كوشتى وبريندار دناڤ ريزێن هه‌ردو لايه‌نان دا كه‌فتينه.
