داعش به ساروخ هێرشه‌كانی ده‌ست پێكردووه‌ته‌وه
ئه‌ڤرۆ نیۆز، عه‌زیز هه‌ورامی
له ناوچه‌كانی ده‌ره‌وه‌ی ئیداره‌ی هه‌رێمی كوردستان و پارێزگاكانی عێراق داعش به فراوانی سه‌ری هه‌ڵداوه‌ته‌وه به چه‌كی قورس و سوك هێرش ده‌كه‌نه سه‌ر هاوڵاتییان و هێزه ئه‌منییه‌كانی عێراق، ڕۆژانه چالاكی تیرۆرستی ئه‌نجام ده‌ده‌ن به‌رپرسێكی باڵای پارتی باس له مه‌ترسییه‌كان ده‌كات.
اكبر حه‌یده‌ر جێگری لێپرسراوی لقی 15ی خانه‌قینی پارتی دیموكراتی كوردستان، به ئه‌ڤرۆ نیۆز ڕاگه‌یاند:”تیرۆستانی داعش چالاكی تیرۆرستییان فراوان كردووه به كاتیۆشا هێرش ده‌كه‌نه سه‌ر گونده‌كان و هاوڵاتییانی سفیل شه‌هید ده‌كه‌ن.
هه‌روه‌ها ئاماژه‌ی به‌وه‌كرد:”داعش ته‌واو سه‌ریان هه‌ڵداوه‌ته‌وه هێرش ده‌كه‌نه سه‌ر ته‌واوی گونده‌كان و قه‌زاكان هاوڵاتیی سڤیل ده‌فڕێنن و شه‌هید ده‌كه‌ن، ناو خانه‌قین هاوه‌ن باران ده‌كه‌ن.
ئاماژه‌ی بۆ ئه‌وه‌شكرد، داعش شه‌وی ڕابردوو له سنووری داقوق هێرشیان كردووه‌ته سه‌ر هێزه‌كانی عێراقی 8 كوژراو بریندار له ڕیزه‌كانی پۆلیسی فیدڕاڵی كه‌وتووه‌ته‌وه، به‌رده‌وامیش هێرش ده‌كه‌نه سه‌ر هێزه‌عێراقییه‌كان و میلشیكانی حه‌شدی شه‌عبی له خانه‌قین و ده‌وروبه‌ری.
