داعش بۆ جه‌ژنێ ئه‌ڤ بڕياره دان
ئەڤرو نیوز،بارزان مزووری:
بەرپرسێ لقا 14 ل مووسل بۆ ئەڤرو نیوز دیار کر کو ل شەڤا بوری رێكه‌فتى 14ى تيرمه‌ها 2015ێ، چه‌كدارێن داعش ئيمام و پێشنڤێژێ مزگه‌فتا مه‌زن يا “باب سپى” ل ره‌خێ راستێ يێ باژێرێ مووسل “شێخ مزه‌فه‌ر ئدريس” سێداره‌دا و ل دووڤ دا ل پێش چاڤێن وه‌لاتيان ل “باب توب” گۆله‌باران كر.
عسمه‌ت رەجەب، بەرپرسێ لقا 14 ل مووسل ئاماژه ب وێ چه‌ندێ ژى كر كو ئه‌گه‌رێ سێداره‌دان و گۆله‌بارانكرنا ڤى مامۆستايێ ئاينى ئه‌و بوو كو پێگرى ب رێنمايێن داعش نه‌دكر و ته‌راويح ل به‌را وه‌لاتيان دكرن، داعش رێ ب كرنا ته‌راويحان ناده‌ت.
ئاماژه ب وێ چه‌ندێ ژى كريه كو ئه‌ڤرۆ سپێدێ 15ى تيرمه‌ها 2015ێ ب رێيا ناميلكا و گازيێن مزگه‌فتان، چه‌كدارێن داعش رێ و ره‌سمێن جه‌ژنێ قه‌ده‌غه‌كرن و ل ناڤ باژێر مووسل بڕيار دا چوونا سه‌ر گۆڕان ژى قه‌ده‌غه‌يه و هه‌ر كه‌سێ پێگريێ پێ نه‌كه‌ت دێ هێته سزادان.
