داعش ده‌ست ب هێرشێ كر
ئه‌ڤرۆ نيوز:
ژێده‌ره‌كى ژ هێزێن سه‌ربازى راگه‌هاند ئه‌ڤرۆ رۆژا چارشه‌مبى شه‌روپێكدادان د ناڤبه‌را له‌شكرێ عيراقێ و داعش دا ل ناحيا فرات يا سه‌ر ب قه‌زا هين رۆژئاڤا پارێزگه‌ها ئه‌نبار ده‌سپێكرن.
ئه‌ڤى ژێده‌رێ سه‌ربازى بۆ شه‌فه‌ق نيوز ئاشكه‌را كريه كو ئه‌ڤرۆ چه‌كدارێن داعش هێرشه‌كا مه‌زن ل دو ميحوه‌ران كريه سه‌ر ناحيا فۆرات يا سه‌ر ب قه‌زا هيت ڤه و شه‌ره‌كێ دژوار يێ ل وێ ده‌ڤه‌رێ روودده‌ت و گۆت: “هه‌تا نوكه شه‌ر يێ به‌رده‌وامه بێى كو زيانێن چو لايه‌كى هاتبنه زانين”.
ئه‌ڤى ژێده‌رێ ناڤێ خوه ئاشكه‌را ژى نه‌كرى گۆتژى: “فرۆكێن له‌شكرێ عيراقى يێن وان ده‌ڤه‌رێن چه‌كدارێن داعش لێ بۆمبه‌باران دكه‌ن دا كو پێشره‌ويێ ل وێ ده‌ڤه‌رێ نه‌كه‌ن”.
ئه‌ڤه ماوه‌كه هێزێن چه‌كدارێن داعش به‌رێ خوه دايه پارێزگه‌ها ديلا ب مه‌ره‌ما ب ده‌ستڤه‌ئينانا وێ پارێزگه‌هێ دا كو سنورێن خوه يێن سوريا و عيراق باشتر لێ بكه‌ت ژ لايه‌كى ڤه و لايێ دژى وه‌كو ژێده‌رێن وان دده‌نه زانين ئه‌وه كو هێرشێ بكه‌نه سه‌ر به‌غدا يا پايته‌خت.
