داعش ده‌ڤه‌ره‌كا دژى گرت
ئه‌ڤرۆ نيوز:
ژێده‌رێن ده‌نگوباسان راگه‌هاندن كو ل پارێزگه‌ها ئه‌نبار ل نێزيك سه‌نته‌رێ باژێرێ روومادى، چه‌كدارێن داعش ده‌ڤه‌را ئه‌لبۆغانم ژى كۆنترۆل كر.
ئه‌ڤان ژێده‌رێن ده‌نگوباسان ژ هێزێن ئه‌منى يێن عيراقى به‌لاڤكريه كو پشتى هێزێن ئه‌منى ئه‌لبۆغانم يا دكه‌ڤيته باكوورێ رۆژهه‌لاتێ باژێرێ روومادى ل پارێزگه‌ها ئه‌نبار ب جهـ هێلايى، چه‌كدارێن داعش ده‌ستێ خوه دانايه سه‌ر وێ ده‌ڤه‌رێ.
دوهى 14ى نيسانا 2015ێ ئۆپه‌رسيۆنا هێزێن ئازادكرنا ئه‌نبار د كۆنگره‌كێ رۆژنامه‌ڤانى دا راگه‌هاند كو ده‌ڤه‌را ئه‌لبۆفه‌راج گه‌له‌ك يا گرنگه و نابيت د ده‌ستێ داعش دا بيت، به‌لێ پاشان خوه ژ ئه‌لبۆغانم ژى ڤه‌كێشا و دا ده‌ست چه‌كدارێن داعش.
