داعش دو پرێن ستراتیژی په‌قاندن
ئه‌ڤرۆ نیۆز، قائید میرۆ
به‌رپرسێ لیژنا ناوچا قه‌راجا پارتی دیموكراتی كوردستان دیاركر، تیرۆرستێن داعش هژماره‌ك پرێن ده‌ڤه‌رێ ل سنورێ قه‌زا حه‌وێجه په‌قاندینه و رێكا قه‌زایێ هاتیه گرتن.
ئیسماعیل مه‌حه‌مه‌د، به‌رپرسێ لیژنا ناوچا قه‌راج یا پارتی ب ئه‌ڤرۆ نیۆز راگه‌هاند” پشتی ئۆپه‌ڕاسیۆنێن پێشمه‌رگه‌ی ل سنوری كه‌ركووكێ ده‌ستپێكری تیرۆرستێن داعش هژماره‌ك پرێن سه‌ره‌كیێن بن كۆنتڕۆلا په‌قاندینه و نوكه رێیا پتریا قه‌زا و ناحیان دگه‌ل قه‌زا حه‌وێجه هاتیه قوتكرن و چو رێكێن سه‌ره‌كی بۆ ده‌ڤه‌رێ نه‌ماینه.
ئیسماعیلی گۆت ژی” چه‌كدارێن داعش پرا شمیت په‌قاندیه كو ناحیا قه‌راج ب ناحیێن زاب و عه‌باسیه و قه‌زا حه‌وێجه ڤه گرێدده‌ت، هه‌روه‌سا پرا سه‌درلنه‌هار په‌قاندیه كو هژماره‌كا زۆرا گوندان ب قه‌زا حه‌وێجه گرێده‌ت و نوكه هاتینه قوتكرن، په‌قاندنا ئه‌ڤان پرێن ستراتیژی كاریگه‌ری لسه‌ر لڤینێن داعش هه‌بووینه.
