داعش زێدەتری 200 خانیان ل شنگال پەقاندن
ئەڤرۆ نیوز، لەزگین جۆقی:
فەرماندی ھێزا پێشمەرگەی ل چیایێ شنگال قاسم سمێر بۆ ئەڤرۆ نیۆز دیارکر کو پشتی خوە کوژێن داعش دەست ب سەر کۆمەلگەھا دھۆلا و بۆرک دا گرتی دەست پەقاندنا خانیان کریە زێدەتر ژ 50 خانیان ب تنی ل کۆمەلگەھا بۆرک پەقاندینە ژبلی پەقاندنا خانیێن ل سەنتەری شنگال و کۆمەلگەە و ناحیێن دی.
قاسم سمێر فەرماندی ھێزا پێشمەرگەی ل چیایێ شنگال گۆت: “چو ئامارێن دروست ل بەر دەست نینن، ھەتا شنگال رزگار نەبیت و خەلک نەزڤرنە سەر مال و مولکێن خوە، زیان ئاشکرا نابن، لێ پشتی ھێزێن پێشمەرگێ کوردستانێ ناحیا زۆمار و رەبیعە و چەندین گۆندین دێ خستینە دبن کۆنترۆلا خوە دا و پێشمەرگەی خوە کوژێن داعش رامالین، نوکە داعش دەست ب پەقاندنا خانیێن وەلاتیان و ئاڤاھیێن حکومی کریە ل ھەموو دەڤەرێن سەر ب شنگال ڤە.
ناڤبری ئەو ژی خۆیا کر کو پێشبینی دکەن زێدەتر 200 خانیان ھاتبتە پەقاندن ل سەرانسەری قەزا شنگال چونکو رۆژانە خانی یێ ھێنە پەقاندن و گۆت: “بەری چەند رۆژان خوە کوژێن داعش کۆمەلگەھا بۆرک و دھۆلا ژی خستنە دبن کۆنترۆلا خوە، د ماوەیێ دو حەفتیان دا زێدەتر 50 خانیان ب تنێ ل کۆمەلگەھا بۆرک پەقاندن و گەلەک زیان گەھاندینە مال و مولکێن وەلاتیان، ئەم چاڤەرێ ئازادکرنا شنگال دکەین د وەختەکێ نێزیک دا و پلان ژی ھاتیە دان.
