داعش سه‌رێ فرۆكه‌ڤانێ ئوردنى بڕى
ئه‌ڤرۆ نيوز:
مالپه‌رێن ده‌نگوباسان يێن تايبه‌ت ب داعش ڤه راگه‌هاند كو ئه‌وان سه‌رێ فرۆكه‌ڤانێ ئوردنى بڕى، ئه‌وێ بڕيار ل جهێ گرتيا داعش د ده‌ستێ ئوردنێ دا بهێته پێكگوهاڕتن.
هه‌ر چه‌نده چو وێنه‌يێن دروست يێن سه‌ربڕينا وى يان ڤيديۆيێن تايبه‌ت ب سه‌ربڕينا وى نه‌هاتينه به‌لاڤكرن، به‌لێ ئه‌ڤرۆ سپێدێ ل گه‌ل مالپه‌رێن تايبه‌ت ب وان و تۆڕێن جڤاكى نووچه‌يێ سه‌ربڕينا فرۆكه‌ڤانێ ئوردنى مه‌عاز كه‌ساسبه راگه‌هاند يێ كو ل ژڤان بوو ل جهێ ساجيدا ريشاوى ده‌سته‌سه‌ركريا ئوردن بهێته ئازاد كرن.
ئه‌ڤ نووچه‌يه د ده‌مه‌كى دايه كو ئه‌ڤه حه‌فتيه‌كه دانوستاندن ل د ناڤبه‌را ئوردن و داعش دا ده‌سپێكرى ب مه‌ره‌ما گه‌هشتن ب ئه‌نجامان ژ بوو لێكگوهاڕتنا هه‌ردو ده‌سته‌سه‌ركريان و حوكمه‌تا ئوردن ل حه‌فتيا بۆرى ژى ئاماده‌يا خوه بۆ لێكگوهاڕتنێ ده‌ربڕى بوو.
