داعش كچكه‌كێ دده‌ته هه‌ر گه‌نجه‌كێ بچيته ناڤ رێزێن وێ
ئه‌ڤرۆ نيوز:
جه‌نا كچه‌كا 29 ساليه و قوتابى بوو ل قورتابخانێ، ده‌ما داعش بۆ جارا ئێكێ چوويه گۆندێ وان، گۆتبوويێ يان دڤێت هوون ببنه موسملمان يان دێ هه‌وه كوژين.
جه‌نا نه ناڤێ وێ يێ دروسته، ژ گۆندێ كۆجۆ يێ كوردێن ئێزديى يه، ئه‌وێ داعش ل هه‌يڤا تاباخێ ده‌ستێ خوه دانايه سه‌ر. پاشان داعش داخواز ژ هه‌موويان كر بچنه قوتابخانێ هه‌ر وه‌كو داعش دبێژيت و گۆتژى: “تلفۆن و زێر و پاره و تشتێ هه‌موويان برن و پاشان ژن و زه‌لام ژێك جوداكرن”.
ب گۆره‌ى راپۆرتا نه‌ته‌وێن ئێكگرتى، داعش هه‌موو ئه‌و كه‌سێن نێر يێن ژيێ وان ژ 10 ساليێ كێمتر كۆمكرن و برنه ژ ده‌رڤه‌ى گۆندى ب رێيا ترۆمبێلێن مه‌زن و كوشتن.
ژنان چاره‌نڤيسه‌كێ به‌رزه هه‌بوو، جه‌نان دبێژيت: “ژنێن زارۆ هه‌ين و كچ ژێك جودا كرن، پاشان كچ برنه مووسل ل ئاڤاهيه‌كێ مه‌زن كو ژ سێ قاتان پێك دهات”. ب گۆره‌ى گۆتنا جه‌نايێ ئه‌و ئاڤاهى يێ پڕ بوو ژ كچان و به‌رده‌وام چه‌كدارێن داعش دهاتنه د وى ئاڤاهى ڤه.
زێده‌تر گۆت: “دا ل ژوورا گه‌ريێن و هه‌كه كچكه‌كا ب دلێ خوه ديت بايه، دا به‌ن، ل ده‌مێ كچه‌كا نه‌ڤيابا ل گه‌ل ب ده‌ركه‌ڤيت يان كربا گرى، دا قوتن، ئه‌و زه‌لامێ ئه‌ز بريم نێزكى 70 سالان بوو، ئه‌ز برمه مالا خوه، چار كچێن دژى يێن ئێزدى ل وێرێ بوون، ئه‌م د قوتاين و خارنا پێدڤى ژى نه‌ددا مه، د گۆته مه هوون كافرن و ئه‌ز برمه ژووره‌كێ و ده‌بانجه دانا سه‌ر سه‌رێ من و ئه‌زا ل ئه‌ردى و گۆت دێ ته كوژم چونكو ته نه‌ڤێت ببيه موسلمان، هه‌ر د وێ شه‌ڤێ دا هاتن و كچكه بر كو 11 سال بوو و ده‌ما ڤه‌گه‌ريايى، گۆت ده‌ستدرێژيا سكسى يا كريه سه‌ر من”.
“ئه‌ڤ ژنه يێن تووشى كێشه‌كا ده‌روونى يا دژوار بووين ب ره‌نگه‌كى كو ب ره‌نگه‌كێ به‌رده‌وام ده‌ستدرێژيا سكسى كريه سه‌ر و ب ره‌نگێ كۆم، ئانكو پتر ژ ئێك كه‌س د هه‌مان ده‌م دا چوويه ده‌ف”، نازان بيگيخانى، شيره‌تكارا هه‌رێما كوردستانێ يه و شاره‌زايا تۆندوتيژيا د ناڤبه‌را نێر و مێيان دايه، ئاماژێ ب وێ چه‌ندێ دكه‌ت كو داعش زێده‌ترى دو هزار و 500 كچێن و ژنێن ئێزدى يێن ره‌ڤاندين ل ته‌باخا بۆرى ل ده‌مێ ب سه‌دان هزار كه‌س ژ ئێزدى و عيراقيان ئاواره بووين”.
ئاماژه ب وێ چه‌ندێ ژى كر كو ژ وى ده‌مى وه‌ره ژن ل عيراق و سوريا دهێنه فرۆتن و گۆت: “ئه‌وان دو ئارمانجێن سه‌ره‌كى يێن هه‌ين؛ يا ئێكێ راكێشانا گه‌نجان ب پێدانا كچان ب ئه‌وان و برنا ژنان و نه‌چاركرنا وان ب په‌يره‌وێ عه‌بداتيێ و ده‌ستدرێژيكرنا سكسى ب ره‌نگه‌كێ به‌رنامه‌كرى”.
ئه‌ڤ ئاخفتنه ل گه‌ل يا ئێك ژ وان گه‌نجێن د ناڤا داعش دا ل ئێك ل گرتيگه‌هێن شه‌رڤانێن كورد ل سوريا هاتيه ده‌سته‌سه‌كرن دگۆنجيت، ده‌ما گۆتى هه‌ر كه‌سێ دگه‌هيته داعش كچه‌كێ دده‌نێ و نێزيكى هزار دولاران.
ژ هه‌يڤا ته‌باخێ وه‌ره و هه‌تا نوكه، سه‌ركرداتيا هه‌رێما كوردستانێ يێن شياين هژماره‌كا كێم يا ڤان كچ و ژنێن ئێزدى ژ ده‌ستێن داهش بيننه ده‌ر ژ سه‌رجه‌مێ سه‌دان كچ و ژنێن ئێزدى ئه‌وێن ره‌ڤاندين.
نازان ئاماژێ ب وێ چه‌ندێ ژى دكه‌ت كو هه‌موو ئه‌و ژنێن هاتينه ره‌ڤاندن ديار دكه‌ن كو ده‌ستدرێژيا سكسى يا كريه سه‌ر وان.
هه‌كه ته ئه‌و زه‌لامێ تو برى ديت، دێ چ بێژيێ، جه‌نايێ گۆت: “من نه‌ڤێت چ تشتا بێژمێ ب تنێ من دڤێت وى بكوژم”.
ژێده‌ر: CNN