داعش ل تله‌عفه‌ر ژى ده‌ست ب كولانا خه‌نده‌كان كر
ئەڤرۆ نیوز، بارزان سلێمان مزووری:
کارگێرێ لقا 14 ل مووسل و بەرپرسێ چاڤدێريکرنا بەنداڤا مووسل بۆ ئەڤرۆ نیوز دياركر كو ژ ترسا ژ ده‌ست ده‌ركه‌فتنا باژێرێ مووسل ل تله‌عفه‌ر بۆ مووسل ژى ئه‌وان ده‌ست ب هه‌لكولينا خه‌نده‌كان كر.
شێخ محیەدین مزووری، کارگێرێ لقا 14 ل مووسل و بەرپرسێ چاڤدێريکرنا بەنداڤا مووسل، گۆت: “ژ ترسێن كه‌فتنا مووسل و تله‌عفه‌ر ئه‌وان ده‌ست ب هه‌لكولينا خه‌نده‌كان كريه و بۆ ڤێ مه‌ره‌مێ ژى هژماره‌كا مه‌زن يا حه‌فارات ئينايه و ده‌ست ب هه‌لكولينێ كريه”.
زێده‌تر گۆت: “مه‌ره‌ما وان ژ هه‌لكولينا ڤان حه‌فاران ئه‌وه دا كو ل ده‌مێ هێرش كرنێ هێزێن پێشمه‌رگه‌يى يان ژى له‌شكرێ عيراقێ نه‌شێت زوو ب زوو خوه نێزيكى وان ده‌ڤه‌رێن داعش ل وان جهان بكه‌ت”.
دا زانين ژى كو هه‌ر ئه‌ڤرۆ ل زومار ژى ل گوندێ گلگامێش ئه‌وان تۆپخانا خوه دانابوو و سه‌نگه‌رێن پێشمه‌رگه‌يى تۆپباران دكرن، به‌لێ پشتى ده‌مه‌كێ كێم فرۆكێن شه‌ركه‌رێن هه‌ڤپه‌يمانا ئه‌و ده‌ڤه‌ر هه‌موو تۆپباران كرن.
