داعش ل مووسل گه‌له‌ك ژ ڤێ ره‌فتارێ دترسیت
ئەڤرۆ نيوز:
ژێدەرەکێ ئاگەھدارێ ل باژێرێ مووسل دیارکر، ترسەکا مەزن کەفتیە د ناڤا چەکدارێن داعشێ دا ل ناڤەندا باژێرێ مووسل، لەورا دەست ب گرتن و کوشتنا سەرۆک ھوزێن عەرەب و کەڤنە ئەندامێن حزبا بەعس کرینە کو گۆمانێ لێ دکەن ب کارێ کودەتایەکا ناڤخوەیی راببن.
ژێدەرێ ئاگەھدار ئاشکراکر، چەکدارێن داعشێ دەست ب ھەوەکا بەرفرەە یا گرتنا بەرپرسێن گرۆپێ نەقشەبەندی و ئەمیر و کەسایەتیێن ھۆزێن عەرەبی ل مووسلێ کریە و ھژمارەکا ژوان ژی کوشتی نە، زێدەباری وێ چەندێ دیارکر، کو ئەندامێ جڤاتا لەشکری یا گرۆپێ نەقشەبەندیان یێ بناڤێ (محەمەد سەعدون) ژی ئێک ژوان کەسایە یێن ھاتینە کوشتن، محەمەد سەعدون کەڤنە بەعسی بوویە و ل دەڤەران قەزا شێخان یێ بەرنیاسە.
ھەروەسا ژێدەری خوەیاکر، ھژمارەکا مەزنا کەڤنە بەعسیان ھاتینە دەستەسەرکرن و ھندەک ژ وان ھاتینە گوللەبارانکرن، ھەر د ڤێ ھەوا بەرفرەھدا چەکدارێن داعشێ 50 کەسایەتی ژ ھۆزا عەرەبێن (تیی) ل گەل کورێ سەرۆک ھۆزێ وان یێ بناڤێ ( سەباح غازی ئەلحەنەش) کو ئێک ژ ئەندامێن کەڤنە بەعسیان بوویە و ( مەحمود ئەلشێخ) ل دەڤەرا تلکێفێ، ئەوژی کوشتی نە، ھەروەسا ژ ترسا ڤێ کوردەتایێ پتر ژ 62 ئەمیرێن چەکدارێن داعشێ ژی ب گۆمانا دەست ل گەل کودەتایێ ھەبیت ھاتینە گرتن.