داعش ناسنامێن ئه‌لكترۆنى ده‌رخستن
ئه‌ڤرۆ نيوز:
ب گۆره‌يى وان وێنه و بابه‌تێن ل تۆرێن جڤاكى هاتينه به‌لاڤكرن، داعش ناسنامێن ئه‌لكترونى بۆ چه‌كدار و وه‌لاتيێن ل ژێر ده‌سته‌لاتا خوه چێكرن.
د ڤان ناسنامان دا ب گۆره‌يى وان وێنه‌يێن بۆ هاتينه گرتن و به‌لاڤكرن ناڤ و جۆرێ خوينى و مێژوويا ده‌ركه‌فتن و كار و گرێدانا وان ب ديوانێ ڤه ل سه‌ر هاتيه چێكرن.
ب گۆره‌يى ديتنا چاڤدێران ئه‌ڤ ناسناما ئه‌لكترۆنى يا تايبه‌ته ب چه‌كدارێن داعش يێن ناڤخۆ و ژ ده‌رڤه هاتينه، هه‌ر وه‌كو چه‌كدارێن وان ژى ئه‌ڤ چه‌نده راگه‌هاندين، مه‌ره‌م ژى پێ بۆ ڤه‌گوهاستنێ يه د ناڤبه‌را مووسل و ره‌قه و ده‌ڤه‌رێن دى يێن ژێر ده‌ستێ وان دا.
چاڤدێر وه‌سان ژى دده‌نه زانين كو دبيت چێكرنا ڤان ره‌نگه ناسنامێن ئه‌لكترۆنى بۆ بلندكرنا وره‌يا چه‌كدارێن وان بيت ژ به‌ر شكه‌ستنێن ئێك ل دووڤ ئێكێ يێن چه‌كدارێن وان.
