داعش هێرش كره سه‌ر كه‌ركووك
ئەڤرۆنیوز، رەزوان رۆژبەیانی:
شه‌ڤا بۆرى چه‌كدارێن داعش هێرش كره سه‌ر گۆندێ حه‌فته‌غار ل قه‌زا داقۆق يا پارێزگه‌ها كه‌ركووك و وه‌لاتيه‌ك كوشت و دويێن دژى برينداركرن.
چيا نازم برازايێ ئه‌وى كه‌سێ ب ده‌ستێ داعش هاتيه شه‌هيدكرن بۆ ئه‌ڤرۆ نيوز گۆت: “دەمژمێر 10:30 شەڤا بوری رێکەفتێ 25ل سەر 26 خزيرانا 2018ێ چەکدارێن داعش ھێرش کرە سەر گوندێ حەفتەغار ل سنورێ قه‌زا داقوق يا سه‌ر ب پارێزگه‌ها كه‌ركووك و مامێ من ب ناڤێ (کازم حسێن) ھاتە شەھيد کرن و کچا وی د ژیێ 10 ساليێ دا ل گەل کەسەکی ل وی گوندی ھاتیە بریندار کرن”.
گۆتژی: “گوندێ حەفتەغار ژ سێ گوندان پێک دھێت کو ھەموو ژ نەتەوەیا کوردن، گوندێ مامێ من ژی ناڤێ وی (عەلی) يه و ل دووڤ وان پێزانينان کو ژ گوندی ب دەست مە کەفتینە دبێژن دو گەنجێن دی ژى ژ لایێ داعش ڤە ھاتینە رەڤاندن و ھەتا نوکە چارە نڤیسێ وان نە يێ دیارە”.
ئاماژه ب وێ چه‌ندێ ژى كر كو تەرمێ مامێ وى پشتی ژ نوشداریا داد ل کەرکووکێ دەرکەفتی ئەڤرۆ سپێدێ ل دەمژمێر 6:00 ھاتە ڤەشارتن.