داعش پیروزباهیێ ل بزاڤا گۆڕان دكه‌ت
ئه‌ڤرو نیوز ، نه‌وزاد زاده هلورى:
دماوه‌یێ چه‌ند روژێن بورى دا ره‌وشا پارێزگه‌ها سلێمانیێ ژلایێ بزاڤا گوران ڤه تێكچوویه و لایه‌نێن سیاسى ژى بو ده‌ربرینا هه‌لویستێ خوه بتنێ به‌یاننامه‌یان دیاردكه‌ن و به‌رپرسه‌كێ پارتى دیاردكه‌ت كو ژبلى پارتى كه‌سێ هه‌لویستێ خوه نه‌كریه بریار.
دكتور عه‌لى ته‌ته‌ر به‌رپرسێ لقێ ده‌هێ پارتى دیموكراتى كوردستان دیاركر كو ده‌رئێخستنا به‌یاننامه‌یان چوو ژ باردوخى ناگوریت و بو ئه‌ڤرونیوز : (تا نها چوو لایه‌نێن سیاسى ژ بلى پارتى ئه‌و جورعه‌ت نه‌دایه خوه كو هه‌لویستێ خوه ژ ده‌رئێخستنا به‌یاننامه‌كێ بكه‌تن كریار به‌رامبه‌ر وان ئاژاوه‌گێریێن ماوه‌یێ چه‌ند رۆژایه ل سلێمانیێ و قه‌لادزى َو كه‌لار و ده‌ڤه‌را راپه‌رین سه‌رهه‌لدایى ب تایه‌بتى بوو سه‌ر باره‌گایێن پارتى و شه‌هید و برینداركرنا كادرێن پارتى و وه‌لاتیێن سڤێل به‌لكو هه‌تا خوه لایه‌نێن سیاسى نه‌شیاینه پروتستوژى بكه‌ن هه‌تا خوه دام و ده‌زگه‌هێن ئه‌من و ئاسایش و هێزێن شارستانى ژى وه‌كو پێدڤى دام و ده‌زگه‌ه و كادرێن پارتى نه پاراستنى نه، و ئه‌ڤه د ده‌مه‌كێ دا كو بزاڤ دهاته‌كرن ل پایزا ئه‌ڤ ساله سه‌ربه‌خوه‌یا كوردستانێ بهێته راگه‌یاندن )
زێده‌تر گۆت : ( سه‌رجه‌م ئه‌و كار و ئاژاوه‌گێریێن كو ل پارێزگه‌ها سلێمانیێ هاتینه‌كرن هه‌موو نه‌د قانونى نه و هاتینه رێكخستن لژێر به‌رنامه‌یه‌كێ دارشتى ژلایێ بزاڤا گوران ڤه و پێدڤى یه گوران باجا ڤێ یه‌كێ ژى بده‌ت )
به‌رپرسێ لقێ ده‌هێ پارتى د درێژاهیا ئاخفتنێن خودا دیاركر ژى كو ئاژاوه‌گێریێن سلێمانیێ كوده‌تایه‌ك بوو بو سه‌ر پارتى و ئێكه‌مین لایه‌نێ كو ده‌ستخوشى ل بزاڤا گوران ژى كرى تیرورستێن داعشێ بوون و گۆت ژى : ( هه‌تا نها لایه‌نێن سیاسى بزاڤێت راستگویانه دگه‌ل پارتى نه‌هاڤێتینه بوو چاره‌سه‌ركرنا كاودانێن كوردستان تێدا دبوریت ب تایبه‌تى پرسا سه‌روكاتیا هه‌رێمێ ، و ژبه‌رڤێ پێدڤى یه لایه‌نێن سیاسى ب راستگویانه و روونى ب روونن خوارێ و لسه‌ر مێزا گفتوگویان ل هه‌ڤدوو بگه‌هن )
ل دوماهیێ گۆت : ( بزاڤا گوران دڤێت خوه ئێكلابكه‌ت یان دگه‌ل حكومه‌تێ بمینیت یان ژى نه‌مینیت ، و ئێدى به‌سه لژێر ناڤێ وه‌لاتیان ئاژاوه‌گێریان بكه‌ت )
