داعش چو ناڤ رۆمادى
ئه‌ڤرۆ نيوز:
ب گۆره‌ى پێزانينێن ده‌سپێكى، ژماره‌كا چه‌كدارێن داعش ل ده‌ڤه‌را “تاش و جامعيه” ل رۆژئاڤايێ باژێرێ رۆمادى ناڤه‌ندا پارێزگه‌ها ئه‌نبار، داعش چوونه ناڤ ئاڤاهيان و تاخێن وى باژێرى و شه‌ر و پێكدادانه‌كا دژوار ل وێ ده‌ڤه‌رێ دروست بوو و بارێ نه‌ئاسايشى ژى هاته راگه‌هاندن و هاتنوچوونا ترۆمبێلان ژى هاته راوه‌ستاندن.
هه‌ر چه‌نده د به‌ياننامه‌كێ دا راگه‌هاندنا هه‌ڤپشكا له‌شكرێ عيراقێ دا ئاماژه ب وێ چه‌ندێ كريه كو ره‌وش نوكه ل بن كۆنترۆلا وانه و ده‌ڤه‌ر ئارام بوويه.
راگه‌هاندنا هه‌ڤپشكا له‌شكرى عيراقێ د به‌ياننامێ دا دايه زانين كو ژماره‌كا چه‌كداران سپێده‌هيا ئه‌ڤرۆ خوه نێزيكى هنده‌ك خالێن ئه‌منى كربو ل دووريانا رحاليه ناڤبه‌را حه‌بانيێ و رزازه دا ب رێيا دو ترۆمبێلێن مينرێژكرى ل سه‌ر پرێ و هێرشكرنه سه‌را چه‌ندين زالگه‌هان.
خۆيا ژى كر كو ئه‌و هێرش هاتينه كونترۆلكرن و پتريا چه‌كدارێن وان هاتينه كوشتن، “ره‌وش نوكه ل بن كونترۆلا مه‌يه”.
رێڤه‌به‌رێ ساخله‌ميا ئه‌نبار راگه‌هاند: هه‌تا نوكه 18 بريندار ژ ئه‌گه‌رێ شه‌ر و پێكدادانان گه‌هشتينه نه‌خۆشخانا سه‌ره‌كى يا باژێرى و ره‌وشا 16 كه‌س ژ وان يا باش بوو، دو كه‌س ژى ل بن چاڤدێريا چرن”.
