داعش ژ كۆبانێ ده‌ركرن
ئه‌ڤرۆ نيوز: نيوار محه‌مه‌د سه‌ليم:
هێزێن شه‌رڤانێن يه‌په‌كێ شيان چه‌كدارێن داعش ژ وان ده‌ڤه‌ر و كولانان ده‌ربكه‌ن، يێن دوهى ده‌ست ب سه‌ردا گرتى.
رۆانكه‌ها سوريا بۆ مافێن مرۆڤى دياركر كو هێزێن يه‌په‌كێ چه‌كدارێن داعش نه‌چار كرن كو ژ وان كولان و جهان ده‌ربكه‌ڤن يێ به‌رى نوكه ده‌ست ب سه‌ردا گرتى.
هه‌ر ب گۆره‌ى گۆتنێن ره‌وانگه‌ها سوريا بۆ مافێن مرۆڤى نوكه كۆبانێ يا ئارامه و ده‌نگێ چه‌كى ناهێت.
په‌يامنێرێ بى بى سى ل سه‌ر سنورێ توركيا نێزيك كۆبانێ راگه‌هاند كو ئه‌ڤرۆ سپێدێ زوو ده‌نگێ فرۆكێن هێزێن هه‌ڤپه‌يمانيا نێڤده‌وله‌تى دهات كو ب ره‌نگه‌كێ دژوار ئه‌و ده‌ڤه‌ره تۆپباران دكرن.
دوهى 6\10 چه‌كدارێن داعش ژ هێرشه‌كێ دا ژ لايێ رۆژهه‌لاتى ڤه شيابوو هه‌تا راده‌كى ده‌ستێ خوه بدانيته سه‌ر هنده‌ك كولان و تاخان ل ناڤا كۆبانێ.
هه‌ر ب گۆره‌ى ژێده‌رێن ده‌نگوباسان ژى هژماره‌كا گه‌له‌ك مه‌زن ژ وه‌لاتيان ژ ترسا داعش، باژێر بجهـ دهێلا و به‌ر ب سنورێن توركيا دچوون.
