داعش ڤێ سه‌ره‌ده‌ريێ ل گه‌ل ژنێن ئێزدى يێن گرتى دكه‌ن
ئەڤرۆ نیوز، ئەیاد بەرواری:
بەرپرسەکی ل وەزارەتا ئەوقافی! و کاروباریێن ئایینی ل ھەرێما کوردستانێ بۆ ئەڤرۆ نیوز ئاشکراکر کو رێکخستیا تیرۆرستی یا داعش، ل مەھا رەمەزانێ ب خورتی رۆژیان ب دەستەسەرکریێن ئێزدی یێن د دەستێن واندا، ددەتە گرتن.
خێری بۆزانی رێڤەبەرێ گشتیێ کاروبارێن ئێزدیان ل وەزارەتا ئەوقافێ و کاروبارێن ئایینی ل ھەرێما کوردستانێ بۆ ئەڤرۆ نیوز گوت” چەکدارێن تیرۆرستێن داعشێ ھەر نڤێژان ب خورتی ب ئێزدیان ددەنە کرن و ل مەھا رەمەزانێ ژی رۆژیان پێ ددەنە گرتن”.
بۆزانی زێدەتر گوت” ھەر ئێزدیەکێ پێگیریێ ب ڤێ چەندێ نەکەت دھێتە سزادان ب ئەشکەنجەدانێ، یان ب زیندانکرنێ ب تنێ”.
ب دیتنا رێڤەبەرێ گشتیێ کاروبارێن ئێزدیان ل ھەرێمێ” ئەڤ پێرابوونێن داعش ل گەل ئێزدیان دکەت دژی ئازادیێ و مافێن مروڤی نە”.
ل دووڤ گوتنا خێری بۆزانی “ھەتا نوکە سێ ھزار و ٥٠٠ ئێزدی ل دەڤ تیرۆرستێن داعشێ د دەستەسەر کرینە”.
