داعش گه‌فێن گرتنا به‌غدا دكه‌ت
ئه‌ڤرۆ نیۆز، قائید میرۆ
به‌رپرسه‌كێ كورد ل پارێزگه‌ها نه‌ینه‌وا دیاركر، شه‌ڤا بۆری تیرۆرستێن داعش ل باژێڕێ مووسل ئاهه‌نگه‌ك ب هه‌لكه‌فتا كۆنتڕۆلكرنا باژێڕێ رۆمادی گێڕایه و گه‌فێن گرتنا به‌غداژی كرینه.
غه‌یاس سورچی، په‌یڤدارێ مه‌لبه‌ندێ نه‌ینه‌وا یێ ئێكه‌تی نیشتیمانی كوردستان ب ئه‌ڤرۆ نیۆز راگه‌هاند” شه‌ڤا بۆری گروپا تیرۆرستیا داعش ل سه‌نته‌رێ باژێڕێ مووسل ب كاروانه‌كێ مه‌زن یێ ترۆمبێلا ئاهه‌نگه‌ك بهه‌لكه‌فتا كۆنتڕۆلكرنا باژێڕێ رۆمادی گێڕا و تێدا دروشمێن كۆنتڕۆلكرنا باژێڕێ به‌غداژی بلندكرینه و گه‌فێن گرتنا به‌غدا كرن.
غه‌یاسی گۆتژی” ئاهه‌نگا داعش ژبه‌ر بوردۆمانا هه‌ڤپه‌یمانان ب شه‌ڤ برێڤه‌چوو، سه‌دان ترۆمبێلێن خوه لناف سه‌نته‌رێ باژێڕێ دگێڕان و دلخۆشیا خوه بۆ گۆتنا رۆمادی نیشادا و ته‌كه‌زكرن، كو دێ به‌غدا بكه‌نه پایته‌ختێ ده‌وله‌تا خوه”.