ب وێنه : دالکورد ئێک ژ ب ھێزترین ھەڤبەستا دخۆلا سوید دا ئیمزاکر
ئەڤرۆ نیوز، ھەژار مەعروف:
یانا دالکورد یا سویدی یانەکا کوردی یە ل وەرزێ ئەڤ سالە دخۆلا پلا ئێک یا سوید یا پشکدارە دوھی ب فەرمی ئێک ژ ب ھێزترین ھەڤبەستا ل سەر ئاستێ خۆلا سوید یا پلا نایاب و پلا ئێک ئیمزاکر پشتی گەھشتی یە رێککەفتنێ ل گەل راویژ لاوان یاریکەرێ کورد و یانا نورشپینگ یا سویدی ھەلگرا ناسناڤێ خۆلا پلا نایاب یا سوید ل وەرزێ ئەڤ سالە.
بەرپرسێ ئینانا یاریکەران ل یانا دالکورد عادل کیزلەی داخویانیەکێ دا بۆ ئەڤرۆ نیوز دیارکر پشتی چەندین دانوستاندان ئەو ل دووماھیێ گەھشتنە رێککەفتنێ ل گەل یاریکەرێ کورد راویژ لاوان فەرھاد و ب ھاتنا راویژی دێ ھێزەکا مەزن دەتە تیما ئەوان ژبەرکو ھەبوونا یاریکەرەکێ وەکو وی دێ مفایەکێ مەزن گەھینتە تیمێ .
ژلایەکی دیڤە ژێدەرەکێ نێزیک ژ یاریکەری بۆ ئەڤرۆ نیوز دیارکر چەندین ھەڤبەست ل بەر دەستێ لاوان بوون ژ ئەوان ھەڤبەستەکا مەزن ژ یانەکا تایلەندی ب کوژمێ ٢٠٠ ھەزار دولاران ھەر دیسان ھەڤبەستا دو یانێن پلا نایاب یا خۆلا سوید رەتکر ژبوو خاترا یانا دالکورد .
