دامه‌زرێنه‌ره‌كێ ئێكگرتوو: پێدڤيه فوئاد مه‌عصوم ده‌ست ژ كار بكێشيت
ئه‌ڤرۆ نيوز:
دامه‌زرێنه‌ره‌كێ ئێكگرتوو ئيسلامى كوردستان ره‌خنێ ل سه‌رۆك كۆمارى دگريت كو يێ بێ ده‌سته‌لاته و داخوازيت وه‌كو كارته‌كا فشارێ ده‌ست ژ كارێ خوه يێ سه‌رۆك كۆماريێ بكێشيت.
د. ديندار نه‌جمان دۆسكى، ئه‌ندامێ به‌رێ يێ مه‌كته‌با سياسى يا ئێكگرتوو ئيسلامى كوردستان و ئێك ژ دامه‌زرێنه‌رێن وێ حزبێ بۆ باسنيوز گۆت: “دڤيابا پۆستێ سه‌رۆك كۆمارى رێز و حورمه‌ت و هه‌يبه‌ت هه‌بايه، به‌لێ ب مخابنى ڤه چو تايبه‌تمه‌ندى نينه”.
زێده‌تر گۆت: “راسته د دستوورى دا، ده‌سته‌لاتێن سه‌رۆك كۆمارى د كێمن، به‌لێ كه‌س ژى د جودانه، به‌رى نوكه جه‌لال ته‌له‌بانى ئه‌و پۆست هه‌بوو، به‌لێ كه‌ساتيه‌كا ب هێز و كاريگه‌ر هه‌بوو، كاريزما خوه هه‌بوو، به‌لێ نوكه دبينين زێره‌ڤانێن سه‌رۆك كۆمارى دهێنه ره‌ڤاندن، ئه‌ڤه ژى وێ چه‌ندێ دگه‌هينيت كو ڤى پۆستى رێز نه‌مايه و گه‌له‌ك يێ خرابه”.
ديندار دۆسكى ته‌كست ل سه‌ر وێ چه‌ندێ كر كو قووناغ بۆ قووناغێ پێگه‌هێ كوردان ل به‌غدا لاواز و كێمتر دبيت و ژ به‌ر هندێ ژى يا جوان نينه ب ڤى ره‌نگى مانا كوردان ل به‌غدا ب دووماهى بهێت، ب ڤى ره‌نگى مامه‌له ل گه‌ل بهێته كرن. داخواز ژى كر “سه‌رۆك كۆمارێ عيراقێ ب خوه رۆلي خوه ببينيت، يا باش ئه‌وه فوئاد مه‌عصوم وه‌كو كارته‌كا فشارێ خوه ژ وى پۆستى بكێشيت”.
