دانه‌غاز دێ به‌رهه‌مێ نه‌فتا كوردستانێ بۆ 70 هزار به‌رمیلان بلند کەت
ئەڤرۆ نیوز ، زنار تۆڤی:
رێڤه‌به‌رێ جێبه‌جێكار ل كۆمپانیا دانه‌غاز ئاشكرا دکەت، کو به‌رهه‌مێ نه‌فتا وێ كۆمپانیێ ل هه‌رێما كوردستانێ، د نوکە دا 65 هزار به‌رمیلن د رۆژەکێدا و پێشبینی دکەت کو هەتا دووماهیا ئەڤ سالە بەرهەمێ نەفتێ بۆ 70 هزار به‌رمیلان د ئێک رۆژ دا بلند بکەن.
باتریك ئه‌لمان رێڤه‌به‌رى جێبه‌جێكارل كۆمپانیا دانه‌غاز، د دیدارەكێدا بۆ رۆژناما (به‌یان) یا ئیماراتى گوتیە، دانه‌غاز ل هه‌رێما كوردستانێ پلان هه‌یه، هەتا سالا 2021 زێدەكرنا به‌رهه‌مێ بیر پترۆلیۆم ب رێژا 170% بلند بكەت، ب ڤێ دێ به‌رهه‌مێ غازا كێلگه‌هێ (خۆرمۆر) گەهیته 580 ملیۆن پێن سێجا و به‌رهه‌مێ نه‌فتا چركری ژی 20 هزار به‌رمیل د رۆژەکێدا.
رێڤه‌به‌رى دانه‌غاز ئاشكراكریه کو ل دەستپێکا سالا 2019 ل بلۆكى (6) یێ ده‌ریایی ل مسرێ دێ ده‌ست ب لێدانا بیرەکێ کەن.