داهاتێ فرۆتنا نەفتا عیراقێ د ئەڤان هەیڤێن بوری دا کێم بوویە
ئەڤرۆ نیوز:
کۆمپانیا سۆمۆ دیار کریە: ژبەر داکەفتنا بهایێ نەفتێ د بازارێن جیهانێ دا، داهاتێ عیراقێ ب کۆژمێ ١١ ملیار دۆلاران کێمکریە.
ئەڤرۆ کۆمپانیا سۆمۆ بۆ بازارکرنا نەفتا عیراقێ کو گرێدایی وەزارەتا نەفتا عیراقێ یە دیار کریە: ژبەر داکەفتنا بهایێ نەفتێ د بازارێن جیهانێ دا، داهاتێ عیراقێ ب ١١ ملیار دۆلاران کێمکریە و د دەمێ چار هەیڤێن ئێکێ یێن ئەڤ سالە، ٤٠٩ ملیۆن و ٩٦٠ هزار بەرمیلێن نەفتێ هاتینە فرۆتن کو سەرجەمێ داهاتی گەهشتیە ١٥ ملیار و ٣٩٠ ملیۆن دۆلاران، هەر بەرمیلەکێ نەفتێ ب ٣٨ دۆلاران هاتیە فرۆتن.
هەروەسا گۆتیە: عێراقێ د چار هەیڤێن ئێکێ یێن سالا بوری دا، ٤٢٣ ملیۆن و ٢٨٠ هزار بەرمیلێن نەفتێ فرۆت بوون کو داهاتێ وێ ٢٦ ملیار و ٢٧٠ ملیۆن دۆلار بوون.