داهاتێ نها یێ داعشێ به‌هرا وێ ناكه‌ت
د. بێوار خنسی بسپور د بیاڤێ په‌ترۆل و جیولوجی دا بۆ ئه‌ڤرۆ نیوز دياركر كو ده‌ما داعش ده‌ست ب سه‌ر زه‌ڤیێن نه‌فتێ ل سوریێ و عیراقێ دا گرتی و بووينه داهاته‌كێ باش بۆ ئه‌وێ رێكخراوێ، كو رۆژانه داهاتێ وان دگه‌هشته 3 ملیۆن دولاران و ئه‌رزانتر ژ بهایێ په‌ترۆلێ ل بازارێن جیهانێ دفرۆشت و ئه‌و ژی ب رێيێن قاچاغ و ده‌ما شه‌ر ل گه‌ل ئه‌ڤێ رێكخراوێ هاتيه كرن هه‌ڤسه‌نگی د بیاڤێ ئابووری دا هاته گوهارتن.
د.بێوار خنسی ئه‌و چه‌نده ژی دیاركر كو داعش تووشی قه‌یرانه‌كا دارایی بوویه ب ئه‌گه‌رێ نه‌بوون و كێمبوونا زه‌ڤیێن نه‌فتێ ل بن ده‌سه‌لاتا وێ و لێدانا وان ژ لایێ هێزێن هه‌ڤپه‌یمانان و ئه‌وێن ماینه ل بن ده‌سه‌لاتا وان ڤه نه‌شێن وه‌كو جاران په‌ترۆلێ ژێ ده‌ربینن و ب رێيا هه‌يڤێن ده‌ستكرد ژی چاڤدێریا لڤینێن وان د بیاڤێ په‌ترۆلێ دا دهێنه‌كرن.
ناڤبری ئه‌و ئێكه ژی دا زانین كو هه‌رێما كوردستانێ رۆله‌كێ كاریگه‌ر دیت بۆ ئه‌وێ ره‌وشا ئابووریا رێكخراوا تیرۆریستی تووش بووی و ده‌رئینانا زه‌ڤیێن په‌ترۆلێ ژ بن ده‌ستێ وان مینا به‌تمه و زۆمار و هنده‌ك ژی ل ده‌وروبه‌رێن كه‌ركووكێ و دوور كه‌فتنا وان ژ ئه‌ڤان زه‌ڤیان زیانه‌كا مه‌زنا ئابووری گه‌هشته وان و د نها دا نه‌شێن ب ئه‌وی داهاتێ هه‌يی كارێن خوه پێ ب رێكه‌ن.
