داهاتێ گه‌شيتارى يێ هه‌رێمێ ل رۆژانێن جه‌ژنێ 70 مليۆن بوو
ئه‌ڤرۆ نيوز، فاتما مزوورى:
په‌يڤدارێ ده‌سته‌يا گه‌شتوگۆزارا هه‌رێما كوردستانێ دووماهى ئامارێن گه‌هشتياران بۆ رۆژێن جه‌ژنێ راگه‌هاند كو 255 هزار گه‌شتيار هاتينه ناڤ هه‌رێما كوردستانێ.
ئه‌ڤرۆ رۆژا شه‌مبى نادر رۆستى په‌يڤدارێ ده‌سته‌يا گه‌شتوگۆزارێ ل هه‌رێما كوردستانێ د داخۆيانيه‌كێ دا ئاماژه ب وێ چه‌ندێ كر كو كه‌رتێ گه‌شتوگۆزار رۆژ بۆ رۆژێ باشتربوون و زێده‌بوونێ ب خوه ڤه دبينيت.
ئاشكه‌را كر كو وه‌لاتى ژى ب روويه‌كێ گه‌ش سه‌ره‌ده‌ريێ ل گه‌ل گه‌شتياران دكه‌ن دا كو دووباره سه‌ره‌دانا هه‌رێمێ بكه‌ن و ئابوورێ مه پێشڤه‌چوونه‌كا باشتر ب خوه ڤه ببينيت.
په‌يڤدارێ ده‌سته‌يا گه‌شتوگۆزارێ ل هه‌رێما كوردستانێ گۆت: “د 10 رۆژێن بۆرى دا زێده‌تر 255 هزار گه‌شتياران هاتينه ناڤ هه‌رێما كوردستانێ و وه‌كو هه‌ڤبه‌ركى ل گه‌ل سالا بۆرى ئه‌ڤ رێژه 5% زێده بوويه”.
زێده‌تر گۆت: “دهێته پێشبينيكرن داهاتێ گه‌شتيارى د ڤان 10 رۆژا دا زێده‌ترى 70 مليار ديناران بيت”.
ئاماژه ب وێ چه‌ندێ ژى كر كو 91% يا گه‌شتياران ل خوارا عيراقێ هاتبوون و گۆت: “هژمارا گه‌شتياران ژ ئيرانێ 25% كێم كريه”.