دا ب کارەبێ ماسیان گریت ، هاتە کوشتن
ئەڤرو نیوز ، مورشید برادۆستی:
پشتی نیڤرویا ئەڤرو گەنجەکێ قەزا شەقلاوێ ڤیا ب کارەبێ ماسیان بگریت ، بەلێ کارەبێ ئەو کوشت.
دڤی واریدا “محسن قەسروکی” بەرپرسێ راگەهاندنا رێڤەبەریا ساخلەمیا شەقلاوێ بو ئەڤرو نیوز گۆت: ( ئەڤرو گەنجەکێ قەزا شەقلاوە ب ناڤێ “دیدار زوهێر” دژیێ 19 سالیێ دا ، ڤیا ب رێیا کارەبکرنا رووباری ماسیان بگریت ، بەلێ پشتی رووبار کارەب کری، کارەبێ ئەو گرت و دەملدەست گیانێ خوە ژ دەست دا)
زێدەتر گۆت: (ئەو گەنج ل گەل چەند هەڤالان ب مەرەما ماسیان قەستا رووبارێ سەیرانگەهێن حاجی پایز کربوو ل سنوورێ قەزا شەقلاوە ، من ڤیا بێژم کو گرتنا ماسیان ب رێیا کارەبێ گەلەک مەترسی یە و پێدڤی یە وەلاتی ڤێ یەکێ بکارنەئینن)
