دبيت به‌شار ئه‌سه‌د سه‌ره‌دانا كيم جونگ ئون بكه‌ت
مەدیایا فەرمی یا کۆریا باکوور راگەھاند کو سەرۆکێ سوریا بەشار ئەسەد پلانەک ژ بۆ سەردانا کۆریا باکور دانا یە و دخوازە د وێ سەردانێ دە ب سەرۆکێ کۆریا باکور کیم جۆنگ ئون رە بجڤە.
ھەگەر ئەسەد سەردانا کۆریا باکور بکە و ل گەل سەرۆکێ وی وەلاتی بجڤە، وێ ئەو یەک ببە یەکەم جڤینا کیم جونگ ئون ل گەل سەرۆکێ وەلاتێ خوە ل پیۆنگیانگا پایتەختا کۆریا باکور، ئەڤ یەک د دەمەکێ دە یە کو کۆریا باکور بالا ھەموو جیھانێ ب خوە ڤە کشاندیە و د دەما داوی دە، ھەر یەک ژ وەزیرێن دەرڤە یێن ئامەریکا و رووسیا ل پیۆنگیانگێ ل گەل سەرکردەیێن کۆریا باکور جڤیان.
دەستێ سبەھا رۆژا 6ێ ئێلوونا سالا 2007ان، فرۆکەیێن ئیسرایلی ژ جۆرێ ف15 و ف16، ئێریشی بنگەھا کوبەر یا سوری ل دێرا زۆرێ کرن و د ئەنجاما ئێریشێ دە، ھات راگەھاندن کو 10 زانایێن ئەتۆمی یێن کۆریا باکور ھاتن کوشتن.
دەربارێ وێ ئێریشێ حکومەتا ئیسرائیل تەکەز کر کو رێژیما ئەسەد ب ھەڤکاری ل گەل کۆریا باکور و ب پشتەڤانیا دراڤی ژ ئالیێ ئیرانێ ڤە، دخوەست بنگەھەکە ئەتۆمی ل کوبەر چێبکەن لێ د ئەنجاما ئێریشا ئیسرائیلێ دە، ئەو بنگەھ ھات وێرانکرن.
