دروودانه‌كا هاتنوچوونێ دا چار كه‌سان گيانێ خوه ژده‌ست دا
ئه‌ڤرۆنيوز:
سپێده‌يا ئه‌ڤرۆ روودانه‌كا هاتنوچوونێ دناڤ سه‌نته‌رێ باژێرێ هه‌ولێرێ دا روودا ودئه‌نجامدا چار كه‌سان گيانێ خوه ژده‌ست دا ودو كه‌سێن دى ب گرانى برينداربوون.
رائيد (فازل حاجى) په‌يڤدارێ هاتنوچونا هه‌ولێرێ راگه‌هاند” ل سپێده‌يا زوو يا ئه‌ڤرۆ ئه‌ينيێ 27/4/2018 ل سه‌ر جادا 60 مه‌ترى ل سه‌ر ئوڤه‌رپاسا شوره‌ش ترومبێله‌كا تاكسى كو ژبلى شۆفێرى پێنج كه‌سێن دى تێدابوون ژوان ژنه‌ك وزارۆيه‌كێ ساڤا، شۆفێرى ژبه‌ر هاژوتنا بله‌ز ودبن كاريگه‌ريا مادێن سه‌رخوه‌شكه‌ر كونترۆل ژ ده‌ست دا و خوه ل په‌رژانێ ئه‌ڤه‌ر پاسێ دا”.
دياركر ژى” ژ ئه‌نجامێ وێ روودانێ ئاگر به‌ربوو ترومبێلێ وچار كه‌سان گيانێ خوه ژده‌ست دا ئه‌وژى دو كه‌سێن عه‌ره‌ب وژن وزارۆيێ شۆفێرێ ووه‌لاتيه‌كێ دى يێ عه‌ره‌ب وشۆفێر ب گرانى برينداربوون وتووشى سوتنێ ب رێژه‌كا مه‌زن بوون”.
