دلاوه‌ر ئاژگه‌يى:ستراتيژيا نوو يا ئێكه‌تيا ئه‌ورۆپا دمفايێ هه‌رێما كوردستانێ دايه
ئه‌ڤرۆنيوز:
نوونه‌رێ حوكمه‌تا هه‌رێما كوردستانێ ل ئێكه‌تيا ئه‌ورۆپى راگه‌هاند، ئه‌ورۆپا دخوازيت هه‌رێما كوردستانێ ب هيز ببيت، ستراتيژيا نوو يا ئيكه‌تيا ئه‌رۆپى ژى دمفايێ هه‌رێما كوردستانێ دايه.
دلاوه‌ر ئاژكه‌يێ، نوونه‌رێ حوكمه‌تا هه‌رێما كوردستانێ ل ئێكه‌تيا ئه‌ورۆپى گۆت” ده‌مێ 15 رۆژانه چه‌ندين دانوستاندن مه ل گه‌ل باليۆزێن وه‌لاتێن ئه‌ندام دئێكه‌تيا ئه‌ورۆپى دا كرينه، دبه‌رنامێ مه ژى دايه ل گه‌ل باليۆزێن ماين ژى ل حه‌فتيا داهاتى كۆمبين”.
دلاوه‌رى زێده‌تر بۆ مالپه‌رێ فه‌رميێ پارتى ديموكراتى كوردستان گۆت”مه داخواز كريه وه‌لاتێن ئه‌ندام دئێكه‌تيا ئه‌ورۆپا دا رۆله‌كێ گرنگ بۆ چاره‌كرنا كێشێن دناڤبه‌را به‌غدا وهه‌ريمێ دا ببينن، كو فشار ل سه‌ر به‌غدا بهێنه كرن بۆ وێ چه‌ندێ ئه‌و شاشيێن پێشتر به‌غدا ل گه‌ل هه‌رێما كوردستانێ كرين دووباره نه‌بن ودستوورێ عيراقێ بهێته بجهئينان”.
دياركر ژى كو ستراتيژيا نوو يا ئێكه‌تيا ئه‌ورۆپى ل سه‌ر ره‌وشا عيراقێ دمفايێ هه‌رێما كوردستانێ دايه ژبه‌ركو ژلايێ هه‌ر 28 وه‌لاتێن ئه‌ندامێن ئێكه‌تيا ئه‌ورۆپى ڤه هاتيه دارێتن وهه‌موو خالين ناكۆكى ودستوورى يێن چاره‌كرنا ره‌وشا عيراقێ وهه‌رێمێ تێدا هاتينه نڤيسين كو پێدڤيه ل دووڤ دستوورى هه‌موو كێشه بهێنه چاره‌كرن”.
خوياكر” هه‌ر دوێ ستراتيژيا نوو دا هاتيه كو پێدڤيه هه‌موو خالين دستوورى بهێنه بجهئينان نه‌كو تنێ ئه‌و خال ومادێن كو حوكمه‌تا عيراقێ دخوازيت بجهبينيت”.