دهۆلا جەنگێ چامپیۆنزێ بۆ یارییا دووماهیێ هاتە لێدان
چاڤەرێ دهێتەكرن ئەڤرۆ و سوبەهی دو یاریێن ب هیز ژ قۆناغا پێش دووماهییا قارەمانییا یانەیێن ئۆرۆپا قارەمانیێن خۆلا چامپیونز لیگ دەربازبوون بەرە ب یاریا دووماهیێ ب جەنگێ مان و نەمانێ ئەوێن دێ ل دەمژمێر 10 شەڤێ هێنە ئەنجامدان.
بایرن میونخ – ریال مەدرید
ئەڤ شەڤە یانەیا بایرن میونخ یا ئەلمانی د ناڤا یاریگەها خوە ئەلیانز ئەرێنا دێ مێهڤانداریا یانەیا ریال مەدرید یا ئسپانی كەت، پشتی دەست دانا خول و كۆپا ئەلمانیا ب تنێ ئەڤ ناسناڤە مایە بەردەستێ یانەیا بایرن میونخێ كو هەڤڕكیێ بۆ بكەت و نەهێلیت وەرزێ ئەڤ سالە دەستڤالا بیت، ژبۆ ب دەستڤەئینانا ناسناڤێ حەفتێ یێ چامپیۆنزێ دێ هەمی بزاڤان كەت هەر ژ خولەكا ئێكێ یا یاریێ چوونا خوە بۆ دووماهیێ ڤەبڕیت، لێ بەرامبەری وێ هەڤڕكەكا ب هێز و ترس و دژوارە هەر یانەك بەرامبەر یاریێ بكەت، یانەیا ئەلمانی دێ ژ كومەكا یاریزانێن خوە بی بەهربیت ژبەر هنگاڤتن و كارتان ئەوژی سانی، كینچلی كومان، گنابری، بۆناسار، ساشا بۆی ئۆبامیكانوی، پێكهاتەیێ پێشبنیێ كریێ بۆ یاریێ شێوازێ 4-2-3-1 كۆلپارێز نوێر، هێلا بەرگریێ مزراوی دایر، دی لێخت، دێڤیز، هێلا ناڤین، موسیالا، كیمێچ، مولر، گوریتسكا، تێل، هێلا هێرشەریێ ژی، ستێرا ئنگلتەرایێ هاری كین.
ژلایەكێ دیڤە یانەیا ریال مەدرید یا ئسپانی بەربژێرا ب هێزە بۆ ب دەستڤەئینانا ناسناڤێ چامپیۆنزێ كو پتری هەر یانەكێ دەستڤەئینایە و گەهاندینە 14 ناسناڤان، چاڤێ وێ دی ل ناسناڤێ 15 بیت، ب سەرپەرشتیا راهێنەرێ خوە یی ئیتالی كارلۆ ئەنشیلوتی پشتی ناسناڤێ خۆلا ئسپانی مسوگەر كرین بزاڤێن ناسناڤێ چامپیونزێ ژی دكەن و بگەهنە یاریا دووماهیێ، پێكهاتێ پێشبینی كری یێ ریالێ شێوازێ 4-3-1-2 بیت كۆلپارێز، لونێن، هێلا بەرەڤانیێ، كارباخال، مێلتاو، میندی، رودیگێر، هێلا ناڤین، ڤالڤێردی، چوامینی، هێلا هێرشبەریێ، بیلینگهام، رۆدرێگۆ، ڤێنیسوس.
دورتمۆند – پاریس سان جێرمان
دو شەڤێن ب زەحمەت بەرامبەری یانەیێن ئەلمانی نە و ئەڤ جارە ژی یاریگەها یانەیا دۆرتموند سێگنال دونا پارك دەمێ مێهڤانداریا یانەیا پاریس سان جێرمان یا فەرەنسی دكەت، یانەیا دۆرتموند یا ب هێز هاتیە دناڤ چامپیۆنزێ دا و هزرا ناسناڤێ خوە یێ دویێ دكەت و ئەڤە باشترین دەلیڤەیە بگەهیتێ، سەرباری وەرزێ ئەڤ سالە چەند ئاستەنگ دیتینە هەتا گەهشتیە ڤێ قوناغێ هەر ژ قۆناغا كۆمان هەتا پێش دووماهیێ روو ب روو یانەیێن ب هێز بووینە زەحمەتی بریە، پێكهاتێ پێشبینی كری یێ دۆرتمۆندێ دێ شێوازی 4-5-1 بیت كۆلپارێز، كوبێل هێلا بەرەڤانیێ، وولف، زۆلە، شلوتربیك، رایرسون، هێلا ناڤین، ئادیمی، سابیتز، براندت، ئیمری چان، سانشو هێلا هێرشبەریێ، ژی فولكروج.
ژلایێ خوەڤە یانەیا پاریس سان جێرمان خەوناوێ یا سەرەكی و هەرسال ئەوە ببیتە قارەمانا چامپیونزێ و ئێكەم ناسناڤ دیرۆكا خوە دا توماربكەت و پشتی گەهشتیە ڤێ قوناغێ هیڤیێن وێ دگەشن بۆ دەستڤە ئینانی، دێ بزاڤێ كەت بۆ دەست ڤە ئینانا ناسناڤێ دوێ یێ وەرزێ ئەڤ سالە پشتی ناسناڤێ خولا فرەنسا بەری چەند رۆژان ب دەستڤە ئینایی، سەرپەرشتیا راهێنەری خوە یێ ئسپانی لویس ئێنرێكی هەتا نوكە ئاستەنگێن باش دەرباز كرنە و ئەڤە دێ بیتە جارا سێیێ یاریێ بەرامبەر دۆرتمۆند بكەن دقۆناغا كۆمان ژی كەفتبوونە بەرامبەری ئیك، یاریا ئێكێ سەركەفتن بوو و یاریا دویێ وەكهەڤبون، پێكهاتێ پێشبینی كری شێوازێ 4-3-3 بیت كۆلپارێز، دۆناروما، هێلا بەرگیری، حەكیمی، ماركینیوس، بیرالدۆ، مێندچ، هێلا ناڤین، ئێمری، ڤێریرا، رۆیز، هێلا هێرشبەریێ، دیمبیلێ، ئێمپاپێ، باركۆلا.
