سەرۆكێ حوكمەتا هەرێمێ و بالیۆزێ كرواتیایێ ب هێزكرنا پەیوەندییان گەنگەشەكر
مەسرور بارزانی، سەرۆكێ حوكمەتا هەرێما كوردستانێ، پێشوازییا ئیڤان یۆریچ، بالیۆزێ كرواتیایێ ل ئیراقێ كر.
د كۆمبوونێ دا بیروبوچوون سەبارەت ب دووماهیك پێشهاتێن ڕەوشا گشتی یا هەرێما كوردستانێ و ئیراق و دەڤەرێ هاتنە گەنگەشەكرن.
سەرۆكێ حوكمەتا هەرێمێ ئاماژە ب دۆستینی و پەیوەندییا دێرین یا د ناڤبەرا كوردستانێ و كرواتیایێ دا كر و دوپاتی ل سەر گرنگییا بهێزكرنا پەیوەندیێن دوو قۆلی كر.
بالیۆزێ كرواتیایێ حەزا وەلاتێ خوە بۆ پێشڤەبرنا پتر یا پەیوەندییان ل گەل هەرێما كوردستانێ ل بوارێن جۆراوجۆر دوپات كر.
