ده‌زگه‌هێ بارزانى يێ خێرخوازى هاريكاريێن ب له‌ز گه‌هاندنه كه‌مپا نه‌مروود
ئه‌ڤرۆنيوز:
ئه‌ڤرۆ ئێكشه‌مبى 9/12/2018 ده‌زگه‌هێ بارزانى يێ خێرخوازى ل سه‌ر راسپاردا سه‌رۆك بارزانى، هاريكاريێن ب له‌ز گه‌هاندنه كه‌مپا نه‌مروود يا ئاواران ل نێزيك مووسل.
كه‌مپێن پارێزگه‌ها نه‌ينه‌وا ب تايبه‌ت كه‌مپێن سه‌لاميه نه‌مروود وجه‌دعه وچه‌ند كه‌مپێن دى زيانێن مه‌زن گه‌هشتنێ ژ ئه‌گه‌رێ بارانێن زۆر يێن چه‌ند رۆژێن بۆرى.
ده‌زگه‌هێ بارزانى يێ خێرخوازى هاريكارى گه‌هاندنه پشكه‌ك ژ ئاوارێن پارێزگه‌ها نه‌ينه‌وا كو ئاكنجيێن كه‌مپا نه‌مروودن ل نێزيك مووسل، پشتى كو قايمقامێ مووسل داخواز ژ سه‌رۆك بارزانى كرى كو ده‌ستێ هاريكاريێن هه‌رێما كوردستانێ بۆ درێژ بكه‌ت.
