ده‌زگه‌هێ هه‌لبژارتنا پارتی: ل ڤان نێزیكان دێ ل كومسیونێ خوه توماركه‌ین
ئه‌ڤرۆ نیوز:
به‌رپرسێ پشكا یاسایی ل ده‌زگه‌هێ هه‌لبژارتنێن پارتی راگه‌هاند: ل ڤان نێزیكان دێ ناڤێ پارتا خوه بۆ پشكداریكرنێ ل هه‌لبژارتنێن پێش وه‌خت یا جڤاتا نوونه‌رێن عیراقێ تومار كه‌ین و ناڤێن به‌ربژاران ژی راده‌ستی كومسیونێ كه‌ین.
هه‌وار محه‌مه‌د به‌رپرسێ پشكا یاسایی ل ده‌زگه‌هێ هه‌لبژارتنێ یێ پارتی دیموكراتی كوردستان راگه‌هاند كومسیونا بلندا سه‌ربه‌خویا هه‌لبژارتنێن عیراقێ ده‌مێ حه‌فت رۆژان بۆ حزبان دیاركریه بۆ ئه‌وێ چه‌ندێ ناڤێن خوه بۆ پشكداریكرنێ ل هه‌لبژارتنێن پێش وه‌خت تومار بكه‌ن، دێ ل ده‌مێ ده‌ستنیشانكری ناڤێ پارتی ل كومسیونێ تومار كه‌ین و ناڤێن به‌ربژاران ژی پێشكێش كه‌ین.
ناڤبری ئه‌و چه‌نده ژی دیاركر پارتی دیموكراتی كوردستان ل سه‌ر ئاستێ سه‌ركردایه‌تیێ، پرسا پشكداریكرنێ د هه‌لبژارتنان دا هه‌لسه‌نگینیت و پاشی ده‌ست ب پێنگاڤێن خو توماركرنێ كه‌ین.
به‌ریانها كومسیونا بلندا سه‌ربه‌خویێن هه‌لبژارتنێن عیراقێ راگه‌هاند حزبێن كوردستانێ و عیراقێ ل رۆژا 9/1/2021 بۆ ده‌مێ حه‌فت رۆژان ده‌م ل به‌رسنگێ وانه بو خو توماركرنێ ل كومسیونێ.
