ده‌ستكارى دێ د مووچێ ڤان دو وه‌زاره‌تان دا هێته كرن
ئه‌ڤرۆ نيوز:
د. حه‌كيم موختار شيره‌تكارێ ئابوورى يێ حوكمه‌تا هه‌رێما كوردستانێ د داخۆيانيه‌كێ دا بۆ “باس” راگه‌هاند ب گۆره‌ى زێده‌بوونا بهايێ په‌ترۆلێ و زێده‌بوونا داهاتێ په‌ترۆلێ مووچێ فه‌رمانبه‌ران دێ هێته زێده‌كرن و پاشكه‌فتنا مووچه‌ى ژى دێ كێمتر بيت.
حه‌كيم مۆختار گۆت: “د چه‌ند رۆژێن داهاتى دا، حوكمه‌ت دێ ده‌رباره‌ى پرسا مووچێ فه‌رمانبه‌ران و چاوانيا ده‌ستكاريێ د خشتێ مووچه‌ى دا كۆم بيت، پاشان دێ ديار بيت دێ چ كه‌ت و چاوان ده‌ستكاريا خشتێ مووچه‌ى كه‌ت”.
ئه‌ڤى شيره‌تكارێ حوكمه‌تێ ئه‌و چه‌ند پشت راست كر كو ئه‌گه‌ره‌ك هه‌يه حوكمه‌ت ده‌ستكاريێ د پاشكه‌فتكرنا مووچێ ساخله‌ميێ و په‌روه‌ردێ دا بكه‌ت ب گۆره‌ى به‌رچاڤكرنا وى داهاتێ باشێ هاتيه به‌ر ده‌ست.
