ده‌سته‌سه‌ركرنا سه‌رۆكێ ئه‌نه‌كه‌سێ ل قامشلو شه‌رمزار كر
ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ پێشوازى ل ئیبراهیم برۆ سه‌رۆكێ ئه‌نجوومه‌نێ نیشتیمانى كورد ل سووریا “ئه‌نه‌كه‌سه” كر.
د دیداره‌كێ دا، سه‌رۆكێ ئه‌نجوومه‌نێ نیشتیمانى كورد ل سووریا به‌حسێ ره‌وشا سیاسى یا سووریا كر و هه‌روه‌سا رۆناهى به‌ردا سه‌ر روودانا ده‌سته‌سه‌ركرنا خوه ژ ئالیێ هێزێن په‌یه‌دێ ڤه ل رۆژئاڤایێ كوردستانێ و به‌حسێ نه‌رازیبوون و خوه‌نیشادانێن خه‌لكێ رۆژئاڤا كر دژى ده‌سته‌سه‌ركرنا وى ژ ئالیێ ده‌ستهه‌لاتدارێن رۆژڤایێ كوردستانێ ڤه.
هه‌ر د ڤێ دیدارێ دا، سه‌رۆك بارزانى نه‌رازیبوونا خوه نیشادا ل به‌رامبه‌ر ئه‌و كارێ هێزێن په‌یه‌دێ ل دژى سه‌رۆكێ ئه‌نجوومه‌نێ نیشتیمانى كورد ل سووریا ئه‌نجامداى و ب كاره‌كێ دژى دیمۆكراسیا فره‌لایه‌نى و خه‌ندقاندنا ئازادیێ وه‌سفكر و ب دژوارى شه‌رمزاركر.
د پشكه‌كا دى دیدارێ دا، دوپاتى ل وێ چه‌ندێ كر كو رێ گرتن ل ئازادیا سیاسى و ده‌سته‌سه‌ركرنا كه‌ساتیێن سیاسى ژ ئالیێ په‌یه‌دێ ڤه داهێنانا نه‌ریته‌كێ نه‌جوان و نه‌شارستانى یه و دژى بنه‌مایێن كوردایه‌تیێ و نیشتیمانپه‌روه‌ریێ یه و پێدڤیه رێ لێ بهێته گرتن و دووماهى پێ بهێت.
