ده‌ستپێكا هه‌یڤا بهێت ئه‌مریكا دێ مووچێ پێشمه‌رگه‌ى دابین كه‌ت
ئه‌ڤرۆ نیوز:
جه‌بار یاوه‌ر ئه‌میندارێ گشتى یێ وه‌زاره‌تا پێشمه‌رگه‌ى راگه‌هاند” هه‌ڤكاریێن سه‌ربازیێن ئه‌مریكا به‌رى نوكه یێن گه‌هشتیه پێشمه‌رگه‌ى و لژنه یێن كومبووین و بریاره ل دووماهیا هه‌یڤا ته‌موزێ هه‌ڤكاریێن دارایى یێن ئه‌مریكا بگه‌هن و مووچێ چه‌ند هه‌یڤان یێ پێشمه‌رگه‌ى پێ بهێته دابینكرن”.
جه‌بار یاوه‌ر ئاماژه ب وێ یه‌كێ كر” ئه‌و مووچێن دێ ژ هه‌ڤكاریێن ئه‌مریكا بۆ پێشمه‌رگه‌ى هێنه دابینكرن، هه‌ر دێ ل دووڤ خشتێ نوكه یێ دابه‌شكرنا مووچان بیت و چ مووچه‌كێ زێده‌یى ناهێته دان”.
ئه‌میندارێ گشتى یێ وه‌زاره‌تا پێشمه‌رگه‌ى دیاركر ژى كو هه‌ڤكاریێن هه‌ڤپه‌یمانێن نێڤده‌وله‌تى بۆ پێشمه‌رگه و هه‌رێما كوردستانێ بۆ شه‌رێ دژى داعش به‌رده‌وامن ژ ئالیێ دابینكرنا چه‌ك و ته‌قه‌مه‌نى و پشته‌ڤانیا ئاسمانى.
