ده‌قێ ديدارا سه‌رۆك بارزانى ل گه‌ل رۆژناما ليجورنال دوديمانك يا فره‌نسى
ئەڤرۆ نیوز، نەوزاد زادە ھلوری:
حەفتیانەیا فەرەنسا لیجورنال دودیمانک دوێ حەفتیێ دا دگەل سەروک بارزانی ھەڤپەیڤینەک ئەنجام دایە تێدا دیارکر کو پێدڤی یە ژلایێ جور و رێژەی ڤە پێشمەرگە زێدەتر بھێتە چەکدارکرن ژبەرکو وەکو پێدڤی نەبوویە.
لیجودیدی: پشتی شەپولێن ١٣ نوڤیمبەرێ ل پاریسێ ، ئەرێ سروشتێ ستراتیجیەتا ھەوە بوو شەرێ داعشێ دێ ھیتە گوھرین ؟
سەروک بارزانی: شەپولێن تیرورستیێن ١٣ێ نوڤمبەرێ وەکو زەنگەکا ئاگەھدارکرن و سیگنالەکێ بوو بوو ھەمو جیھانێ و گشت جیھان ژی بخوڤە گرت ، و ئارمانج و چاڤبرا تیرورستان لسەر وێرانکرنا ژیان و ئازادی و بھاییێن وەلاتیان و مروڤایەتیێ یە و بێی دوو دلیەک و شەرێ تیرورێ ژی پێدڤی ب چاکسازیەکا بنەرەتی یە د ستراتیجیەتا مەدا ، چونکی ئەڤ مەترسیە بوونە مەترسیێن بەردەوام و لڤلڤینین وان ل ھەموو جھان ھەنە و ھەرەشە ژی بوو سەر مە ھەمووانە ، و ژبەرڤێ شەرێ تیرورستان د چارچوڤێ ئەرکێن مە ھەموان دا دێ مینیتەڤە و پێدڤی یە وەلاتێن جودا جودا ب ھەماھەنگی ڤە ھەڤکاربن دگەل ھەڤ ، و شەرێ ژلایی سەربازی و ئایدولوجی و دارایی دگەل داعش بکەن .
لیجودیدی: مەرەما تە ژ رزگارکرنا شنگالێ دا دکارین بێژین نموونەیا بەزاندن و شکاندنا داعشێ بو ژ موسل و رەقە ؟
سەروک بارزانی : ەموو ئوپەراسیونێن سەربازیێن دژی داعشێ ستراتیجیەتێن نوو درۆستدکەن و ئەو رێیێن بوو ئازادکرنا شنگالێ دھێتە بکارئینان ژلایێ تەکتیک و شەری ڤە د مفابوون و دێ مفایی ژێوەرگرین.
لیجودیدی: ئەرێ راستە کو ئەو شەرێن د ھەفتی و چەند ھەیڤێن بھێت دا دێ دگران بن ژ بەر گورانکاریێن کەش و ھەوایی ؟
بارزانی : زڤستان و کەش و ھەوایێ خراب بەرگریکرن و پێشداچونێن بھێت دێ گرانتر کەن و ژبەرکو دھێتە زانین کو تیرورست مفای ژ کەش و ھەوایی وەردگرن و دەستپێشخەریان دکەن ژبەرڤێ دڤێت زێدەتر بەرھەڤ بین بوو روو ب روو بوونا تیرورستان.
لیجودیدی: وەلاتێن رۆژئاڤا ب فەرنساژی ڤە ب درێژاھیا شەرێ ناڤھاتی دا دگەل ھەوە شەرێ داعشێ دکەن ، تو دخوازی زێدەتر ئەو پشکداربن ؟ د وارێ پێدڤیێن شەری و پشتەڤانیا ئاسمانی دا؟
سەروک بارزانی : سوپاس بوو ھەموو وەلاتێن رۆژئاڤا ، و ب تایبەتی فەرەنسا و پشتەڤانیێن وان ژبەرکو پشتەڤانێن ئەسمانی ئەو یەک دیارکر کو گەلەک د کارتێکەربوون بوو سەرکەفتنێن پێشمەرگەی ، ھەر چەندە ل گورەی ژینگەھا سەر عەردی و بەرچاڤ وەرگرتنا پێدڤیێن پێشمەرگەی کێمن ژی و پێدڤی نەبووینە ، ژبەرڤێ ئەگەر مە بڤێت ئەڤی شەری دوماھی بینین ئەز ھوسا دبینم کو پێدڤی یە باشتر پێشمەرگە بھێتە پرچەککرن ژلایی َجور و رێژەیا چەکی ڤە.
لیجودیدی: ھندەک ژ سەرکردان وەسا ھزردکەن ھێز و شیانێن کوردان باشترین ئەزموونێن ھەی لسەر عەردی بو لێدانا داعشێ و ل عیراق و سوریایێ ، و ھندەک ژی وەسا ھزردکەن کو ب چوو شێوەیان ھون ل سەر ئاخ و وەلاتێ خوە ناچن ئەرێ دڤی واریدا کی یێ راستە ؟ ئەرێ دکاری بێژی کو سەربازێن ھەوە دێ شێن شەری بوو کونترولکرنا رەقە ل دەرڤەیێ دەڤەرێن خوە ل سوریایێ ژی بکەن؟
سەروک بارزانی : دگەل ھەمو وان قوربانیێن کو پێشمەرگەیان داین و سەرکەفتن دەستخوڤە ئینایی ، و د پێشیا کارێن مە دا نھا شەرێ داعشێ یە و ھەتا کو ئەم وان ل عیراق و سویایێ ژ ناڤ نەبەین ھەرەشێن تیرورستان ل دەڤەرێ و جیھانێ ژی دێ ھەر ھەبن ، و لژێر چاڤدێریا ھێزێن ھەڤپەیمانێن نیڤدەولی دبیت پێشمەرگە بکارن ببنە پشکەک ژ وان ھێزێن کونترولکرنا موسل و رەقە دا.
لیجودیدی: سەروک ئولاند دڤێ حەفتیێ دا دێ سەرەدانا واشنتون و موسکو کەتن ب مەرەما رێکخستنا ھەڤپەیمانیەتا دژی داعشێ کو بتنێ ئەوە دوژمنی َھەڤپشک ، ئەرێ ئەڤ یەک وێ دگەھینیت کو شەرێ دیبلوماسی بو لابرنا بەشار ئەسەد ل پێشیا کارێن وان دا نابیت ، و ئەرێ تو بڤێ یەکێ یێ رازی ؟
سەروک بارزانی : وەسا دھێتە دیتن کو بالێن کارێن کومەلێن نیڤدەولی دخوازیت داعش بھێتە ژناڤبرن بەلێ ھەروەسا بوو سوریا ژی پێدڤی یە کار بھێتەکرن کو ھەمان ئارمانج ل وێرێ ژی ھەبیت ، ئایندەیێ سوریایێ پێدڤی یا ب چارەسەریەکا سیاسیا راستەقینە کو ھەموو پێکھاتێن جودایێن نیشتمانی و نەتەوەیی و ئاینی بخوڤە دگرن ، پێدڤی یە د پشتراست بین کو جیلێ داھاتیێ ئەوان کومەلان پشتراست بین وەکو کورد و سونە و عەلەوی و مەسیحی و یێن دن.
لیجودیدی: ئاماژە ب ھەلویستێ تورکیا دژی داعشێ ھاتیەکرن و ئەرێ تو وەسا دبینی کو روژەکێ دگەل تورکیا بوو پشتەڤانیا د ئوپەراسیونێن سوریا شەرێ داعشێ و ئەسەدی دا بکەی ؟ د بارا ئەڤی پروژێ دیار دا چ ھەیە کو بو دەڤەرا ئارام د ئاخا سوریادا و لسەر سنورێ تورکیا بوو پاراستنا وەلاتیێن سوریا د روژەڤێ دایە؟
سەروک بارزانی : ل دەستپێکا شەرێ داعشێ دا مە تێبینی ھەبون ل سەر ھەلویستێ پێگەھا تورکیا ، بەلێ پشتی ھنگی رێ ب پێشمەرگەی ھاتەدان کو دناڤا ئاخا تورکیا دا دەربازببن بوو کوبانێ ، و ئەم د وێ باوەریێ داینە کو ھاتنە ناڤا نھایا تورکیا بو ناڤا ھەڤپەیمانیا ناڤھاتی ب شێوەیێ جدی دێ وەکەن کو دژی داعشێ شەری بکەن و ئەڤ یەک ژی بێ ئەنجام نابیت ، ب گشتی دوێ باوەریی َداینە کو ھەموو وەلاتەک پێدڤی یە ئاخفتنا خوە بەرامبەر تیرورستان ھەبیت د بارا شەرکرنا کورد و تورکیا ل دژی ئەسەد و ئەڤ یەک ژی دێ بیتە سەدەما درۆستکرنا دەڤەرەکا ئاراما ئەمنی و ل وێ باوەریێ نە کو خەلکێ سوریا ب ھەموو پێکھاتەیێن خوڤە پێدڤی یە بریارا خوە بوو ئایندە بدەن.