ده‌قێ گوتارا سه‌رۆكێ هه‌رێمێ د سالڤه‌گه‌را 36ێ یا ئه‌نفالكرنا بارزانیان
ئه‌ڤرۆ نیوز:
نێچیرڤان بارزانى سه‌رۆكێ هه‌رێما كوردستانێ د چارچوڤێ پشكداریكرن ل سالڤه‌گه‌را 36 سالیا ئه‌نفال و جینوسایدكرنا بارزانیان، ل بارزان گوتاره‌ك پێشكێش كر و راگه‌هاند” چه‌ند رۆژه‌كه جاره‌كا دى چاڤێ مه یێن ل بیابانێن عیراقێ، چاڤێن مه یێن ل گوندێ شێخول باده نێزیك نوگره سه‌لمان، كو رووفاتێن 75 كوردێن ئه‌نفالكری تێدا هاتینه دیتن، هه‌موو ژن و زارۆنه، دیمه‌نێن زور دلهه‌ژینن، ژنه‌ك هاتیه دیتن، پێنج زارۆ ل ته‌نشتنا وێ هاتینه گولله‌بارانكرن”.
نێچیرڤان بارزانى راگه‌هاند” ئه‌نفالا بارزانیان ب هه‌موو پیڤه‌ره‌كى جینوساید بوو، بۆ جارا ئێكێ ل رۆژهه‌لاتا ناڤه‌راست ل بیست و سیهێن چاخێ بوورى، بارزان ب ناپالم و بۆمبێن ته‌وقیتكرى هاته بومبه‌بارانكرن، ل ڤێ بیره‌وه‌ریێ رژدیێ ل وێ یه‌كێ دكه‌ین كو ل دووڤ ده‌ستورێ عیراقێ و بڕیارێن دادگه‌هێن تاوانان، پێدڤیه حوكمه‌تا عیراقێ قه‌ره‌بوویا كه‌س و كارێن شه‌هید ئه‌نفالكری و زیانڤێكه‌فتیێن كوردستانێ بكه‌ت”
https://www.youtube.com/watch?v=82pI6eBa6tg
