ده‌م يێ هاتى هزر ل سیسته‌مێ پشتی فیدرالیه‌تێ بكه‌ین
جه‌مال چه‌لكی شرۆڤه‌كارێ سیاسی بۆ ئه‌ڤرۆ نیوز گۆت: “تشته‌ك نه‌مایه ب ناڤێ ده‌وله‌تا عیراقێ، ب تنێ ب داخویانیان نه‌بیت، د وارێ پراكتیكی دا دابه‌شبوونا خوه یا سرۆشتی و راسته‌قینه وه‌رگرتيه ئه‌و ژی كورد و سونه و شیعه”.
شرۆڤه‌كارێ سیاسی ئه‌و چه‌نده ژی دا خویا كرن كو ل ده‌ستپێكا شوره‌شا كوردی داخوازا ئوتۆنۆمیێ هاتيه كرن و هزر دكرن ئه‌و دێ هه‌مو ئاریشه‌یێن نه‌ته‌وایه‌تی چاره كه‌ت چ پێ ڤه نه‌هات و ل سه‌رهه‌لدانا بهارا 1991 و ل سالا 1992 هه‌ریما كوردستانێ بڕيارا فيدراليه‌تێ دا و هه‌موو هیڤی و ئومێد ئه‌و بوون كو فیدرالیه‌ت دێ ته‌ڤایا پرسێن كوردان د ناڤ پێكهاته‌یا عیراقێ دا چاره كه‌ت، لێ ئه‌و ژی ب خوه بۆ ئه‌گه‌رێ په‌یدا كرنا چه‌ندین ئالوزیان.
جه‌مال جه‌لكی گۆتژی: “دڤێت كورد پێنگاڤا پشتی فیدرالیه‌تێ ب هاڤێژن، ئه‌و قووناغا ب چه‌ندین سالان مه هاڤێت با داعش كورت كر”.
دا زانين ژى كو ئه‌گه‌رێ فره ره‌هندی و هزرێن جودا یێن پارتێن سیاسی ل سه‌ر پرسێن كوردایه‌تيێ هنده‌ك پشته‌ڤانا ده‌وله‌تێ و هنده‌ك ژی فیدرالیزمێ، نه ئێك بوونا هه‌ڤ هه‌لویستیا كوردا نيشان دده‌ت و گۆت: “دبیت بیته ئه‌گه‌رێ ژ ده‌ست دانا ئه‌ڤێ ده‌رفه‌تا پیرۆز و پاشی ب چه‌ند سه‌د سالان ناهێته ڤه ئه‌ڤرۆ باشتره ژ سوبه و هزر و بڕیارێ بكه‌ینه ئیك بۆ كونفیدرالیه‌تێ”.
