ده‌يلى مه‌يل نهێنيا به‌رى كوشتنا ئێخسيرێن ده‌ستێ داعش ديار دكه‌ت
ئه‌ڤرۆ نيوز:
رۆژناما ده‌يلى مه‌يل يا بريتانى ئاشكه‌را كر كو داعش به‌رى هه‌ركه‌سه‌كى بكوژيت ب هه‌ر رێيه‌كا هه‌بيت ل ده‌سپێكێ بێ هۆش دكه‌ت و پاشان دكوژيت.
رۆژنامێ ئاشكه‌را ژى كريه ژ به‌ر پێدانا ڤان ماددێن بێهۆشكه‌ر ئه‌وان هاش خوه نامينيت كا چو ره‌فتار ل گه‌ل دكه‌ن و ده‌مێ دكوژن ژى ب هه‌ر رێيه‌كا هه‌بيت، چ كارڤه‌دان ژێ ناهێنه ديتن.
هه‌ر ديسا ئاماژه ب وێ چه‌ندێ ژى كريه كو ل ده‌مێ كوشتنا كه‌سه‌كى يان كۆمه‌كێ خه‌لكه‌كێ زێده ل وى جهى ئاماده دكه‌ن دا كو ترسا داعش بكه‌ڤيته دلێ وان.
ب گۆره‌يى پێزانينێن ڤێ رۆژنامێ، داعش گيايێن ماددێن بێهۆشكه‌ر به‌رهه‌م دئينن ل ده‌ڤه‌رێن خوه چاندينه ب ره‌نگه‌كێ نهێنى.
ئه‌و چه‌ند ژى نه‌ڤه‌شارتيه كو ئه‌و چه‌كدارێن ئه‌و دبنه شه‌رى ژى ب بێهوشى دبه‌نه شه‌رى دا كو ل ده‌مێ تووشبوونا وان ب هه‌ر تشته‌كى هه‌ست پێ نه‌كه‌ن.
