دوزبە دەنگێن دھۆکێ دێ ب دەست ھێنە ھژمارتن
ئەڤرۆ نيوز:
کۆمسیۆنا بلند یا ھەلبژارتنان ل عیراقێ دوھی بڕیارەک ل دۆر ھژمارتنا ب دەست یا ئەنجامێن ھەلبژارتنێن عیراقێ دەرکر.
پەیڤدارێ کۆمسیۆنا بلند یا ھەلبژارتنان ل عیراقێ راگەھاند” ل رۆژا سێشەمبی یا بھێت دێ دەست ب ھژمارتنا دەنگان ب دەست ب سەرپەرشتیا دادوەران ھێتە کرن”.
لەیس جابر گۆت ژی” ھژمارتنا دەنگان ب دەست ل پارێزگەھێن کەرکووک، سلێمانی، ھەولێر، دھۆک، نەینەوا وسەلاحەدین دێ دەست پێکەت و ل پارێزگەھێن دی دێ ل دووڤ خشتەکی بیت کو دێ کۆمسیۆن دیار کەت”.
دیار کر ژی” پرۆسا ھژمارتنا دەنگان ب دەست دێ ھێتە ئەنجامدان ب بەرھەڤبوونا چاڤدێرێ نەتەوێن ئێکگرتی و نوونەرێن بالیۆزخانان و حزب وچاڤدێرێن نێڤدەولەتی و دەزگەھێن راگەھاندنێ و ھەردو وەزارەتێن بەرگریێ و ناڤخوە دێ ب ئەرکێ پاراستنا پرۆسێ رابن”.
