دوورپێچ ل سه‌ر فرۆكخانا سلێمانيێ يا به‌رده‌وامه
ئه‌ڤرۆ نيوز:
حوكمه‌تا توركيا دوورپێچا گه‌شتان بۆ فرۆكخانا سلێمانيێ بۆ سێ هه‌يڤێن دى درێژكر، به‌لێ رێڤه‌به‌رێ فرۆكخانا سلێمانيێ دبێژيت: “هێشتا بڕيار نه‌گه‌هشتيه ده‌ستێ وان”.
حوكمه‌تا توركيا راگه‌هاند كو گه‌شتكرن بۆ فرۆكخانا نێڤده‌وله‌تى يا سلێمانيێ هه‌تا رۆژا 24ى كانوونا ئێكێ 2018 هاته درێژكرن.
پشكا په‌يوه‌نديێن گشتى و راگه‌هاندنا فرۆكخانا نێڤده‌وله‌تى يا سلێمانيێ د روونكرنه‌كێ دا راگه‌هاند، ب گۆره‌يى وێ په‌ياما كو د سيسته‌مێن فرۆكه‌ڤانيێ دا گه‌هشتيه فرۆكخانێ، دوورپێچا ئه‌سمانى يا توركيا ل سه‌ر فرۆكخانا نێڤده‌وله‌تى يا سلێمانيێ يا به‌رده‌وامه.
نێزيكى ساله‌كێ يه توركيا گه‌شتێن خوه بۆ فرۆكخانا هه‌ولێر و سلێمانيێ راگرت بوون، پشتى ماوه‌كى گه‌شتێن هه‌ولێرێ ده‌ستپێكرن، به‌لێ هێشتا دوورپێچ ل سه‌ر فرۆكخانا نێڤده‌وله‌تى يا سلێمانيێ نه‌هاتيه راكرن.
