دووماهى پێزانين ل سه‌ر پشككێشانا حاجيێن هه‌رێمێ
ئه‌ڤرۆ نيوز:
د پێناڤى زانينا پشكا حاجيێن عيراق و هه‌رێمێ، دووماهيا ڤێ هه‌يڤێ شانده‌كێ هه‌ڤپشكێ حه‌ج و عومرا هه‌رێم و عيراقێ دێ سه‌ره‌دانا سعوديێ كه‌ن، رێڤه‌به‌رێ په‌يوه‌نديێن وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێمێ ژى راگه‌هاند: پشتى ڤه‌گه‌ريانا شاندى دێ پشككێشانا حاجبان هێته ئه‌نجام دان.
مه‌ريوان نه‌قشه‌به‌ندى، رێڤه‌به‌رێ په‌يوه‌نديێن وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ بۆ خه‌ندان گۆت: “وه‌زاره‌تا ئه‌وقافێ هه‌موو ئاماده‌كاريێن خوه يێن كرين و قاسم به‌رزنجى رێڤه‌به‌رێ گشتيێ حه‌ج و عومرا هه‌رێمێ ژى ل دووماهيا ڤێ هه‌يڤێ دێ ل گه‌ل شانده‌كێ بلندێ حه‌جيێن عيراقێ سه‌ره‌دانا سعوديێ كه‌ت و ل گه‌ل وه‌زاره‌تا حه‌جا سعوديێ كۆم بيت”.
ب گۆره‌ى گۆتنا نه‌قشه‌به‌ندى مه‌ره‌م ب ڤێ سه‌ره‌دانێ ئه‌وه بزانن پشكا ئه‌ڤ ساله يا حاجيێن عيراقێ و د ناڤ وان ژى دا يا حاجيێن هه‌رێما كوردستانێ چه‌نده، “د رێيا وێ كۆمبوونێ ژى دا دێ پشكا هه‌رێما كوردستانێ ديار بيت”.
رێڤه‌به‌رێ په‌يوه‌نديێن وه‌زاره‌تا ئه‌وقافێ گۆتژى: “ل 28ى شوباتێ دێ شاندێ عيراق و هه‌رێمێ ل گه‌ل وه‌زاره‌تا حه‌جا سعوديێ كۆم بيت و د رێيا وێ كۆمبوونێ دا دێ پشكا هه‌رێمێ ديار بيت”.
ئاماژه ب وێ چه‌ندێ ژى كر كو هه‌كه ل سه‌ر بۆچوونا هنده‌ك مه‌رجه‌عيێن شيعان، شيعه سه‌ره‌دانا حه‌جێ نه‌كه‌ن، دێ پشكا هه‌رێما كوردستانێ هێته زێده‌كرن.
