دووماهى چركه ژ یاریێ دهۆكێ كلاسیكو یا كوردستانێ ئێكلا كر
ئه‌ڤرۆ نیوز، زنار زوبێر:
دووماهى چركه ژ یاریا كلاسیكویا كوردستانێ د ناڤبه‌را یانا دهۆك و هه‌ولێر د به‌رژه‌وه‌ندیا تیما دهۆك دا ب دووماهى هات پشتى سه‌ركه‌فتن ب دو گۆلان به‌رامبه‌ر گۆله‌كێ د یاریا وان دا ئه‌وا ل یاریگه‌ها فره‌نسو حه‌ریرى یا دویێ دا هاتیه كرن د چارچوڤێ یاریێن گه‌را حه‌فتێ یا خولا هه‌رێما كوردستانێ یا ته‌پا پێ دا بۆ یانێن نایاب.
د نیڤا ئێكێ دا یانا دهۆك بهێز هاته د یاریێ و شیا هه‌ر زوو د هێرشا خوه یا ئێكێ دا گۆلا ئێكێ ب رێكا یاریكه‌رێ خوه محه‌مه‌د حه‌مه‌د ل ده‌قیقه‌یا چارێ تومار بكه‌ت و نیڤا ئێكێ ب ڤى ئه‌نجامى ب دووماهى هات.
د نیڤا دویێ دا هه‌ولێر شیا باشتر یاریێ بكه‌ت و شیا گۆلا وه‌كهه‌ڤیێ ب رێكا یاریكه‌رێ خوه دیار ره‌حمان ل ده‌قیقه‌یا 54 تومار بكه‌ت پشتى ڤێ گۆلێ یاریكه‌رێن دهۆك شیان فشاره‌كا مه‌زن ل سه‌ر گۆلا هه‌ولێر په‌یدا بكه‌ت و چه‌ندین ده‌لیڤه‌یێن مسوگه‌ر ژ یاریكه‌ران ئه‌حمه‌د جاسم و ئه‌حمه‌د مه‌ئمون هاتنه ژ ده‌ستدان لێ ل دووماهى چركه ژ ده‌مێ زێده‌كرى ژ یاریێ یاریكه‌رێ یانا دهۆك عامر فازل شیا كلاسیكویێ د به‌رژه‌وه‌ندیا یانا دهۆك دا ب دووماهى بینت پشتى گۆلا دویێ تومار كرى و ب ڤێ سه‌ركه‌فتنێ یانا دهۆك خالێن خوه گه‌هاندنا 14 خالان پێشڤه بێته رێزا دویێ د رێزبه‌ندا خولێ دا.
فوتو: بيستر دهوكى