دووماهی دەلیڤە ب حکومەتا ئیراقا فیدڕال دهێتە دان

بارەگایێ بارزانی ڕاگەهاندنەک ل دۆر ئاریشەیێن د ناڤبەرا هەولێر و بەغدایێ دا بەلاڤکر، ئەڤە دەقێ وێ یە:
ب ناڤێ خودایێ مەزن و دلۆڤان،
گرێدای ب ئارئشەیێن د ناڤبەرا هەرێما کوردستانێ و حکومەتا ئیراقا فیدڕال دا، ل سەر ئێکلاکرنا پرسا مووچە و بودجە و شایستەیێن دارایی یێن هەرێما کوردستانێ دوھی مەکتەبا سیاسییا پارتی بۆ وەرگرتنا هەلوەستەکێ پێدڤی کۆمبوو، بەلێ هەر دوھی د.فواد حسێن پشتی دانوستاندنان دگەل لایەنێن سیاسی یێن ئیراقێ ڤەگەڕیایە کوردستانێ و ب مەکتەبا سیاسی یا پارتی ڕاگەهاند کو لایەن و کەساتییێن سیاسی و حکومەتا ئیراقا فیدڕال بۆ چارەسەرکرنا ئەوێ ئاریشەیێ سۆزا وێ چەندێ دایە کو د چەند ڕۆژێن بهێن دا پرسا هنارتنا مووچە و شایستەیێن دارایی یێن هەرێما کوردستانێ بهێنە چارەسەرکرن.
هەر ل سەر داخواز و سۆزا ئەوان و ژ پێخەمەت بەردەوامبوونا دانوستاندنێن ئارام و ل بەرچاڤگرتنا ڕەوش و بەرژەوەندیا گشتی، مە باشتر دیت دووماهی دەلیڤە ب حکومەتا ئیراقا فیدڕال ل بەغدا بدەین ژ بۆ کو ڕێکەکێ بۆ ب دووماهیئینان ب ئەڤێ ئاریشەیێ ببینن، هەردەم مە باوەریا ب وێ چەندێ هەبووی کو ھەکە ڕێکا دانوستاندنێ هەبیت مەژی پێ باشە ب ئێک تێگەهشتنێ ئاریشەیان چارەسەر بکەین.
بارەگایێ بارزانی
12ـی تەممووزا 2025ــێ

کۆمێنتا تە