دووماهی زانیاری دەربارەی کۆمبوونا شاندێ هەرێمێ و بەغدا
ئەڤرۆ نیوز:
سەمیر هەورامی، پەیڤدارێ جێگرێ سەرۆک وەزیرێن هەرێمێ راگەهاند، هەتا نوکە دەربارەی شاندنا پارێ مووچەیێ فەرمانبەران و پرسا نەفتێ ل گەل بەغدا نەگەهشتنە چ رێککەفتنان و ئەم چاڤەرێی حوکمەتا نوو یا عێراقێ نە، لێ هەردو ئالی گەلەک نێزیکی ئێک بووینە و ئەنجامێن باش ژی ژ وان گوتۆبێژان هەنە، جارەکا دی دێ شاندێ هەرێمێ بۆ چاسەرەکرنا هەموو کریزان سەرەدانا بەغدا کەت.
هەروەسا راگەهاندیە: کو کۆمبوونێن وان د ئەرێنی بووینە و خالێن ناکۆکی یێن ناڤبەرا وان هاتینە دەست نیشانکرن و تیمێن هەڤپشک چەندین پێشنیار بەرهەڤکرینە، داکو بکەنە بنەمایێن کارکرنا ب هەڤرایی و بگەهنە رێککەفتنا دووماهیێ ل گەل حوکمەتا نوو یا عیراقێ.
دیسان گۆتیە: حوکمەتا هەرێمێ پێگیریا خوە ل سەر پرسا نەفتێ و ب مەرەما رێککەفتنێ نیشاندایە، هەروەسا شاندێ هەرێمێ رژدیا خوە ل سەر هنارتنا شایستەیێن دارایی یێن حوکمەتا هەرێمێ کریە ب تایبەت پرسا مووچەی.
