دووماھى پێشات ل سەر شەرێ چیایێ شنگال
ئەڤرۆ نیوز، لەزگین جۆقی:
فەرماندێ ھێزا پێشمەرگێ کوردستانێ ل چیایی شنگال و کارگێرێ لقێ 17 يێ پارتی ديموكراتى كوردستان بۆ ئه‌ڤرۆ نيوز دياركر كو شه‌ڤا بۆرى چه‌كدارێن داعش هێرشه‌كا مه‌زن بريه سه‌ر مه‌زارگه‌هێ شه‌رفه‌دين، به‌لێ ئه‌وان پێزانينێن ده‌سپێكى هه‌بوون و شيان به‌رسينگێ وان هێرشان بگرن و گۆت: “د ئه‌نجامێ ڤێ هێرشا وان ته‌رمێن ب ده‌ها خوه‌كۆژێن وان كه‌فتنه د مه‌يدانا شه‌رى دا و هێرشا وان هاته تێكشكاندن”.
قاسم شەشۆ، فەرماندێ ھێزا پێشمەرگێ کوردستانێ ل چیایی شنگال و کارگێرێ لقێ 17 يێ پارتی ديموكراتى كوردستان، زێده‌تر گۆت: “شڤێدى ل ده‌مژمێر 11 شه‌ڤێ چه‌كدارێن داعش ده‌ست ب هێرشێ كرن و هه‌تا دره‌نگانى شه‌ڤ يێ به‌رده‌وام بوو، لێ مه شيا هێرشا وان تێكبشكێنين و چه‌ندين ته‌رمێن خوه ل مه‌يدانا شه‌رى بجهـ هێلان”.
قاسم شەشۆ ئاماژە دا وێ چەندێ ژى كو ل رۆژا ٤/١١ خوە کوژێن داعش ب رۆژ خوە ڤەکیشابوون و ھێزێن خوە بربوونه دووری چیایێ شنگال و گۆت: “ديار بوو ئەڤە ژی ئيک ژ نھێنیێن وان بوو دا کو ئەم پشت راست بین چوون، لێ ئەم ھەردەم د ئامادەینە”.
