دو بريار بۆ مامۆستايێن وه‌زاره‌تا په‌روه‌ردێ دهێنه ده‌ركرن
ئه‌ڤرۆنيوز:
جڤاتا وه‌زيران ل هه‌رێما كوردستانێ بريار دا ب پێدانا ناسناڤێ زانستى ب مامۆستايێن وه‌زاره‌تا په‌روه‌ردێ وزڤراندنا پارێن ژوان هاتينه وه‌رگرتن ل به‌رامبه‌ر خواندنا بلند( ماسته‌ر ودكتۆرا) يێ.
ل دووڤ برياره‌كا نوو يا جڤاتا وه‌زيران ل هه‌رێما كوردستانێ، تێدا بريار هاته دان ب پێدانا ناسناڤێ زانستى بۆ هه‌موو مامۆستايێن وه‌زاره‌تا په‌روه‌ردێ ئه‌وێن باوه‌رناما ماسته‌ر ودكتۆرايێ وه‌رگرتى، به‌لێ هه‌تا نوكه ناسناڤ پێ نه‌هاتيه دان.
هه‌ڤده‌م ئه‌و مامۆستايێن ئه‌ڤ ساله بۆ درێژه‌پێدانێ ب خواندنا بلند (ماسته‌ر ودكتۆرا) يێ هاتينه وه‌رگرتن، پاره ژێ ناهێته وه‌رگرتن وئه‌وێن پاره ژێ هاتيه وه‌رگرتن ژى، دێ بۆ هێنه زڤراندن.
